EN 
أثار خبر تعرض الفنان شريف دسوقي لأزمة صحية اضطر على إثرها إلى بتر ساقه في عملية جراحية أجريت بالأمس وفق ما أعلنته الفنانة بدرية طلبة موجة عارمة من التعاطف ورسائل الدعم من محبيه.
وكان زملاء شريف دسوقي في الوسط الفني من أوائل الداعمين له من خلال رسائل التعاطف التي حرصوا على مشاركتها مع متابعيهم على حساباتهم الرسمية على مواقع التواصل الاجتماعي، التي ننشر بعضها في الأسطر التالية.
رسائل نجوم الفن لشريف دسوقي
حرصت الفنانة منال سلامة على مساندة زميلها شريف دسوقي من خلال نشر صورته على حسابها بموقع فيسبوك وعلقت عليها قائلة:" أنا معرفش الاستاذ شريف شخصياً.. اول مرة اشوفه كان في فيلم ليل خارجي في مهرجان القاهرة السينمائي فرحت بيه قوي وتوقعت انه ياخد جايزه وفعلا أخد الجايزه وفرحتله اكتر وبدأ مشواره الفني في المسرح من زمان لكن جاتله الشهرة متأخر".
واستطردت:" زعلت عليه لما شوفتله حديث بيتكلم عن انهم اتهموه انه بيدعي المرض وبيتأخر علي التصوير لانه بيطالب بحقه حسيت انه مظلوم لانه للأسف هي دي مهنتنا اسهل حاجة انهم يتهموك في شغلك عشان تقعد في البيت كنوع من العقاب عايزين الناس بلا كرامة وللأسف مفيش قانون بيحمي الفنان صدقتوا دلوقتي انه مريض فعلًا ربنا يشفيك يا استاذ شريف ويقومك بالسلامه وترجع تمتعنا تاني بفنك الجميل لانك لك خصوصيه مشفنهاش من ايام الابيض واسود ادعوله بالشفاء".
ووعد الفنان والسيناريست عمرو محمود ياسين زميله شريف دسوقي بالعمل سويا في عمل قادم، في منشور له على موقع فيسبوك، الذي قال فيه:" الفنان شريف دسوقي. الف سلامه عليك اكيد ده اختبار كبير من ربنا. و قدر الله و ما شاء فعل.. خلي بالك ع صحتك و تماسك. وبإذن الله هنشتغل مع بعض قريب لاني من معجبينك ..وأول عمل يكون فيه دور مناسب هسعد بوجودك فيه.. و لتستمر الحياة .. خليك قوي".
وكتب زميله في مسلسله الأنجح بـ 100 وش، الفنان مصطفى درويش تأكيد لخبر بتر ساق شريف دسوقي ووجه له رسالة قائلا:" للاسف خبر بتر رجل شريف دسوقي حقيقي ادعوله يا جماعة والله الواحد ما عارف يعمل ايه بس.. الله يقويك يا شريف ويشيل عنك كل اللي انت فيه انت ماتستاهلش كل ده استغفر الله العظيم يارب.. ربي اني لا أسألك رد القضاء ولكني اسالك اللطف فيه..ادعوله ربنا يقويه محنه صعبه أوي".
وحرصت الفنانة مي كساب على مواساة زميلها في تغريدة لها على تويتر قائلة:" ألف سلامة عليك يا شريف دسوقي وإن شاء الله تقوملنا بالسلامه وترجع تنور شغلك بإذن الله العلي الكريم".
