EN 
كشف محمد عطية مدير مديرية التربية والتعليم بمحافظة القاهرة عن تطورات جديد بشأن ازمة عدم قبول طفلة بإحدى المدارس بروض الفرج بسبب شعرها على حد قول والدها.
واكد مدير تعليم القاهرة لـ صدى البلد على محاربته للتنمر ورعايته لأبنائه الطلبة والطالبات بكافة مدارس العاصمة.
وأوضح انه تم التحقيق في الواقعة وإنذار المدرسة وتغير استمارة التقييم ؛ كما سيتم تحديد موعد مقابلة آخر للطفلة وتكليف موجهة رياض أطفال من الإدارة لحضور المقابلات في المدرسة حفاظا على نفسية الطفلة ودعمها.
وكان ماركو عادل أحد أولياء الأمور قد عبر عن استياءه الشديد لعدم قبول ابنته في احدى المدارس بروض الفرج بسبب شعرها.
واكد ماركو عادل والد الطفلة مارلي مرقس عادل عبر الفيس بوك :" يؤسفني اني أقول ان نفسية بنتي (مارلي مرقس عادل) اتدمرت بسبب التنمر وان المدارس بقي ليها شروط معينة .الطفلة مستواها كويس جدا في التقييم انجليزي وعربي ومهارات بس المشكلة في ( شعرها) أيوة زي ما قريتم كده "شعرها " ان شعرها كيرلي ومش ناعم".
واضاف قائلا :" الميس خرجت تقول ان الكومنت الوحيد علي البنت (شكلها مش حلو) بصيتلها بإستغراب وبصيت للبنت أتأكد من لبسها وشكلها ، قالتلي شعرها ومسكته بإيديها وهي مستائة . قلتلها شعرها طبيعته كده المهم مطولناش عشان الكلام كان قدام الطفلة بس طبعا الطفلة كانت سامعة ومركزة في كل ده ".
وتابع :"البنت رجعت مضايقة ونفسيتها وحشة جدا بأي منطق يتسببوا في أذي نفسية طفلة بالشكل المؤسف ده ازاي يبقي تقييم الطفل يبقي من خلال شكله او شعره ازاي يتنمروا عالطفلة بالشكل ده ازاي تتكلمي كده قدام الطفلة... ياريت بجد كفاية ضغوط علي الأسرة والطفل في تقديمات المدارس احنا مش داخلين حرب".
