EN
وجهت دعاء غباشي، نجمة منتخب مصر في الكرة الشاطئية، رجاء لـ مسؤولي اللعبه في مصر عقب تأهل آنسات مصر للكرة الطائرة الشاطئية إلى نصف نهائي التصفيات الإفريقية المؤهلة لأوليمبياد طوكيو 2020 بعد التغلب على منتخب رواندا في دور الثمانية من التصفيات المقامة حاليا بالمغرب.
وكتبت عبر حسابها الرسمي بموقع التواصل الاجتماعي “فيس بوك” رساله لـ مسؤولي اللعبة جاءت كالتالي:
نص الرسالة
" بكل هدوء احنا لاعيبه حلمنا من ٢٠١٦ نتاهل اوليمبياد وبقالنا ٥ سنين بنتمرن عشان البطوله دي تيجي البطوله وتكون في المغرب الي هي البلد المنافس اصلا.
عملنا مسحه قبل ما نسافر طلعت سلبي ومسحة اول ما وصلنا وبرضه طلعت سلبي وقايلين كلهم ان اغادير مفهاش كورورنا وانهم بيعملو كده عشان يحافظو علي البلد اول ما وصلنا اتعمل مسحه وفضلنا ٣ ايام في الاوض عشان النتيجة تطلع ومرضوش يخرجونا من الاوضه غير اما النتيجه تطلع وطلعت سلبي الحمد لله.
واضافت :" من ٣ ايام فجاه قالو كله ينزل يعمل مسحه مع انهم اصلا مكنوش قايلين ان في مسحه هتتعمل تاني عشان المفروض اننا في فقاعه فقاعه في فندق فيه ١٠٠ الف شخص ونصهم سياح بره البطوله انبارح الساعه ١١ بليل بتوقيت مصر ١٢ قالو مصر متخرجش بره الاوض عندهم حاله حاله ازاي وامته وكلنا كويسين قلنالهم مين قالو مدرب فرقه الرجال.
طب هنعمل ايه يا جماعه قالو هنلعب لحد ما اللجنه الطبيه تاخد قرار ماتشنا انهارده الساعه ٩ الصبح طبعا نمنا كلنا اللاعيبه بعد ما اتاكدنا اننا هنلعب بعد توتر وعياط وصويت.
فجاه نصحى على رساله الساعه ٣:٣٠ توقيت مصر ٤:٣٠ متخرجوش من الاوض انتو بره البطوله.يرضي مين ده يا عالم يرضي مين.
وتابعت :" دي لعبه واحنا متاكدين منها المدرب سليم ومع العلم ممنوع حتي نجيب حد يعملنا مسحات تانيه ولا حتي فكروا يعيدو المسحه ولا اصلا شوفنا ورق المدرب الي بيقولوا انه ايجابي.
احنا ماتشنا الساعه ٩ الصبح يعني كام ساعه ماتش ضمنينهه نكسبه نكون في النهائي احنا مخالطين جميع اللعيبه ومخالطين فرقه المغرب والفرق الي لعبناها والحكام والناس الي في المدرجات الي هما منظمين احنا مخالطين رئيسه الاتحاد الافريقي الي هي رئيسه اتحاد المغرب اصلا.
يعني لو في فعلا حق يبقي المنتخبات كلها يتعملها ماسحه اشمعنا مصر هي الي ايجابي ولو ايجابي هتبقي ايجابي من مين من نفسها يعني، حد يلحقنا والنبي احنا حلمنا فجاه بقي تراب ومش عارفين نعمل حاجه.
واختتمت :" يارب انت حسبي ونعم الوكيل "
