EN
قال مؤدي المهرجانات حمو بيكا "ياريت محدش يكلمنى في شغل على الشخصية دى، عشان أنا كنت بحبها، والشخصية دى بتتهرب من شغلى اللى خلانى اتفق عليه، والإثبات بعد الصورة دى هنزل فيديو، وهو عامل بيحبنى وهو بيكرهنى، مع السلامة يا صحاب مزيفة".
وأجاب حمو بيكا في حواره مع الإعلامية أميرة بدر، ببرنامجها «الترابيزة»، عن سؤالها مين ظلمك "انا متظلمتش إلا لما غنيت فى المهرجانات، وبقيت مريض وبتعالج"، كما أنه أوضح أنه بدأ بإنتاج أغاني المهرجانات منذ أن بدأ فى هذا المجال وعمره 23 عاماً.
وتابع حمو بيكا: «أخونا عمر كمال لما سمع اللي اتقال قال إحنا نجحنا، لكن اللي أنا شايفه إنك كلك على بعضك غلط، حياتك غلط، دنيتك كلها ماشية غلط في غلط،
عايز تحقق نجاحك أنت بس، فرجني يا فهلوي يا حلو واعمل كام تراك لوحدك».
وأكمل حمو بيكا "عمرو كمال كان لما بيتصل بيا بيلاقيني فى ظهره مينفعش أول ما أقع ألاقيك بتسبني وتتخلى عني خاصة بعد مشكلة النقابة الموسيقية وبعد ما قال إني مش بعرف أغني"
وتابع بيكا: "مش طالب من عمر كمال أى حاجة غير إنه يقول فى حقى كلام حلو بس".
