شوقي: منظومة التعليم القديمة مليئة بمصالح عميقة واعتماد مدارس التعليم الفني بأكمله من فنلندا وألمانيا بعد أشهر

أكد الدكتور طارق شوقي وزير التربية والتعليم والتعليم الفني، أن الدولة رفعت كفاءة المدارس في مختلف الأنظمة التعليمية، مستطردًا:" الدول تستغرق 30 سنة لبناء هذا التغيير في التعليم، لكن إحنا قطعنا نص المشوار في 3 سنوات، وكل هذا العمل خرافي ويضم أناس ومؤسسات ضخمة".

وقال طارق شوقي، خلال مداخلة هاتفية مع الإعلامية بسمة وهبة، ببرنامج "90 دقيقة" المذاع على شاشة "المحور"، إن منظومة التعليم القديمة كانت مليئة بمصالح عميقة تدافع عن نفسها، سوءا في توزيع الكتب والمكاسب منها والمكاسب من الدروس الخصوصية والامتحانات وغيرها، وكل هذه العوامل كان تحاول مواجهة التقدم".

وواصل الدكتور طارق شوقي وزير التربية والتعليم والتعليم الفني، إنه :"هنعمل اعتماد لمدارس التعليم الفني المصري بأكملها، بعد شهور قليلة، من دولة فلندا وألمانيا بحيث نضمن رفع جودة المدارس الفنية، مع 27 مدرسة تكنولوجية مع مدارس المتفوقين وسنقدم تغذية مدرسية مختلفة تمامًا هذا العام".

فيما أشادت الإعلامية بسمة وهبة، بالإنجازات التي تقطعها الدولة المصرية لتطوير منظومة  التعليم، مضيفة  :"فى عالم السياسة والإقتصاد وإدارة الدول .. الأرقام مبتكدبش .. فلما أرجوزات الإعلام الإخواني يقولوا لك التعليم العالى فاشل .. قوله تعالى، إن مصر قبل 2014 كانت تصرف على التعليم العالى والبحث العلمى حوالى 12 مليار جنيه .. النهاردة الرقم المخصص فى موازنة الدولة للتعليم العالى والبحث العلمى 182 مليار جنيه .. فاهم يعنى إيه ؟! ..شايفين الرقم.. يعنى مش الضعف ولا الضعفين ولا 3 أضعاف .. لأ ده أكتر من 10 أضعاف".

وقالت خلال برنامجها "90 دقيقة" المذاع على شاشة "المحور"، :"اللى حصل فى التعليم العالى والجامعات خلال الكام سنة اللى فاتت كبير.. سواء من حيث الشكل أو المضمون.. يعنى مصر زودت 4 جامعات حكومية جديدة مجانية.. مصر بتعمل جامعات أهليه خلاص بدأت تشتغل وتعمل توازن بين التكلفة المادية البسيطة وبين مميزات التعليم الخاص والمتطور.. ومصر دخلت برامج تعليمية جديدة فى تعليمها.. والنتيجة كانت سريعة.. يعنى التصنيفات الدولية بتاعة الجامعات اللى كنا بنزعل زمان عشان مافيهاش جامعات مصرية.. دلوقتى هتلاقى كل سنة عدد الجامعات المصرية فيها بيزيد .. وطالما بنزيد يبقى بنطلع لقدام".

واستطردت :"فى تصنيف شنجهاى أنت بقى عندك 16 جامعة مصرية، مش بس كده دى اتقدمت في المراكز ضمن أفضل 500 جامعة عالميا، وفى تصنيف التايمز البريطانى بقى عندك 20 جامعة مصرية ، وفى تصنيف US News الأمريكي دخل  14 جامعة مصرية.. ووده بيثبت لنا إن الكداب الإخوانى وكدب المنظراتية على السوشيال ميديا  هيفضل طول عمره فاشل فشل كبير.. زى تجربتهم التعليمية الفاشلة بالضبط".