وليد سليمان لـ إمام عاشور: ركز في الكورة ومينفعش تتباهى بالغلط.. فيديو

وجه وليد سليمان، لاعب النادي الأهلي، رسالة للاعب نادي الزمالك إمام عاشور، قائلا "ركز في الكورة".

وأضاف "سليمان"، خلال استضافته ببرنامج "مساء دي إم سي"، المُذاع عبر فضائية "دي إم سي"،: "مش زعلان منه ومهاراته تخليه في مكان تاني.. ربنا يوفقه بس يركز في الكرة شوية علشان هو مركز مع الجمهور أكثر".

وتابع: "مينفعش تتباهي بالغلط، هو عنده مهارات كويسة ولسه صغير.. مشكلتي معاه انتهت ومش زعلان منه ومهاراته تخليه في حتة تانية، بالرغم من أنه لم يعتذر لي".

وليد سليمان: السحر مش موجود في الأهلي لكنه عند ناس تانية.. فيديو

علق وليد سليمان، لاعب النادي الأهلي، على ذهابه لمدينة شبراخيت بسبب السحر، قائلا: "معرفش حاجه عن الموضوع دا".

وأضاف "سليمان"، خلال استضافته ببرنامج "مساء دي إم سي"، المُذاع عبر فضائية "دي إم سي"،: "لو فيه سحر في الكرة كانت بعض الدول الأفريقية أخدت كأس العالم".

وتابع: "أنا في منظومة أي حد يتمنى يكون موجود فيها.. وفيه ثوابت في النادي الأهلي لا تتغير".

وقال: "موضوع السحر ده مش عندنا في الأهلي لكن عند ناس تانية ، وعدنا نفسنا وجمهور الأهلي إننا مش هنخسر بطولة تاني،  وكنا الأقرب للفوز ببطولة الدوري من نادي الزمالك".