EN
عرض برنامج "تفاصيل" المذاع عبر قناة "صدى البلد 2"، تقديم الإعلامية نهال طايل، مأساة بنتين، دأب والدهما على تعذيبها بتحريض من زوجته بعد وفاة أمهما.
قالت الطفلة نسمة، إن والدها كان يعذبها هى وأختها شيرين، مضيفة: "ضبرنى لحد ما كسر عظام وشى ومش بتكلم طبيعى زى باقى الأطفال، وعاوزنا نرجع ليه عشان يقتلنا".
وتابعت نسمة: “شيرين كانت عاوزة تنتحر وأنا فضلت ماسكة فيها عشان ماليش أب ولا أم غير أختى”.
وأكدت شيرين، أن والدها كان يعاملها بلطف كأى أب، حتى توفت أمها وتزوج بسيدة أخرى، مضيفة: "بعد وفاة ماما ضهرنا أتكسر".
الربط بالحبل
وتابعت شيرين قائلة:" بابا كان بيربطنا بالحبل وبينيمنا على الأرض، وأما كان بيخرج من الشقة، بيربطنى أنا واختى فى الحمام عشان محدش يعرف".
وأكدت شيرين قائلة:"أبويا ظالم ومفتري، وحسبى الله نعم الوكيل فيه وكان بيقطع شعري، وحتى الأكل كان بيخلينا ناكل من الزبالة، وكان يشتري للكلب بتاعه لحمه".
وأضافت شيرين قائلة:" انا كنت بفكر فى الانتحار، وقلت لأختى هنط من الشباك، لو موت أوعى تنطى ورايا، ولو عشت نطى أنتى كمان ونهرب سوا".
