بالدموع.. جارة الطفلتين ضحيتا تعذيب والدهما: بيشربوا مياه الصرف

عرض برنامج "تفاصيل" المذاع عبر قناة "صدى البلد 2"، تقديم الإعلامية نهال طايل، مأساة بنتين، دأب والدهما على تعذيبها بتحريض من زوجته بعد وفاة أمهما.

وروت جارة البنتين تفاصيل الواقعة: قائلة: "بقالى سنتين ماشوفتش البنتين، بالتحديد بعد وفاة والدتهما، وزواج الأب من أخرى".

وتابعت: "فتحت الشقة ودخلت، لقيت البنتين مربوطين فى الحمام، وآثار التعذيب عليهم، وشوفتهم بيشربوا من عين الحمام".

وناشدت الطفلة شيرين الرئيس عبد الفتاح السيسي، استرداد حقها وأختها من والدهما الذى كان يعذبهما، قائلة: "بناشد بابا السيسى، عايزين حقنا من بابا الظالم المفترى، ونتعالج على نفقة الدولة، ونكمل تعليمنا".

وقالت، الطفلة نسمة، إن والدها كان يعذبها هى وأختها شيرين، مضيفة: “ضبرنى لحد ما كسر عظام وشى ومش بتكلم طبيعى زى باقى الأطفال.. شيرين كانت عاوزة تنتحر وأنا فضلت ماسكة فيها عشان ماليش لا أب ولا أم غير أختى”.

وقالت شيرين، إن والدها كان يعاملها بلطف كأى أب، حتى توفت أمها وتزوج بسيدة أخرى، معقبة:" بعد وفاة ماما ضهرنا أتكسر".

الربط بالحبل

وتابعت شيرين قائلة:" بابا كان بيربطنا بالحبل وبينيمنا على الأرض، وأما كان بيخرج من الشقة، بيربطنى أنا واختى فى الحمام عشان محدش يعرف".

وأكدت شيرين قائلة: "أبويا ظالم ومفتري، وحسبى الله نعم الوكيل فيه وكان بيقطع شعري، وحتى الأكل كان بيخلينا ناكل من الزبالة، وكان يشتري للكلب بتاعه لحمه".

وأضافت شيرين: "أنا كنت بفكر فى الانتحار، وقلت لأختى هنط من الشباك، لو موت أوعى تنطى ورايا، ولو عشت نطى أنتى كمان ونهرب سوا".