EN 
كشف عدوية شعبان عبد الرحيم، نجل الفنان الراحل شعبان عبد الرحيم عن تفاصيل تعرضه لمحاولة لقتل علي يد شقيقته وابنها.
وقال عدوية شعبان عبد الرحيم لـ صدى البلد: "أختي حاولت تقتلني هي وابنها، وعلى طريق المريوطية بعتولي ناس وعملت حادثة وكنت هموت".
وأضاف: “ابن أختي بعد الحادثة نزلي بوست على حسابه بموقع فيس بوك وكتبلي تعيش وتاخد غيرها، وهما دلوقتي بيحاولوا يشوهوا صورتي”.
عدوية شعبان عبد الرحيم يرد على زوجته الأولى: متفقة مع أختي عشان تشوه صورتي
رد عدوية شعبان عبد الرحيم، نجل الفنان الراحل شعبان عبد الرحيم على تصريحات زوجته الأولى بسمة سلامة، والتي أدعت فيها عدم رؤية عدوية لأولاده أوإرساله مصاريفهم.
وقال عدوية شعبان عبد الرحيم لـ صدى البلد: "تصريحاتها مقصودة لتشويه صورتي قدام الناس، وأنا أصلا مطلقها من بدري وبدفع الفلوس اللي عليا ليها في المحكمة، ومافيش حاجه بيني وبينها كل ده عشان تشوه صورتي".
وأَضاف: "الموضوع كله عشان قولت ان أختي بعتالي ناس عشان تقتلني، فأختي استعانت بمراتي الأولى علشان تشوه صورتي ، وهي اصلا ملهاش حاجه عندي وانا كدا كدا بشوف عيالي ولما بشوفهم بوديهم احسن حته في مصر".
عدوية شعبان عبد الرحيم: عملت لأخويا بلوك.. ومشاني من البيت علشان الفلوس
وجه عدوية شعبان عبد الرحيم، ابن الراحل شعبان عبد الرحيم، رسالة إلى أشقاءه بعد أزمة توزيع إرث والده، خلال الفترة الماضية.
وقال عدوية شعبان عبد الرحيم، في مقطع فيديو له، نشره عبر حسابه على موقع الفيديوهات «تيك توك»، «الأخ اللي يمشي أخوه من البيت عشان خاطر الفلوس، يبقى أصله مش جدع.. وأنا خلاص عملت لأخويا، بلوك من قلبي مش التليفون بس.. وأنا أخوك الصغير، وبقولك مش مرضي باللي حصل.. أنا مش عاوز فلوس خلاص".
حرص صدى البلد على التواصل مع المطرب الشعبي عصام شعبان عبد الرحيم، للرد على ما أثير من أنباء حول خلافاته مع أشقائه على الميراث، ووجود مشكلات في تقسيم التركة فيما بين أبناء شعبولا بعد عام من رحيله.
وقال عصام - نجل شعبولا - لـ صدى البلد الإخباري: «مفيش أي خلافات بنا والمداخلة دي قديمة من 4 أشهر وتم تداولها في الوقت الحالي لإثارة ضجة على اسم شعبان عبد الرحيم، لكن احنا اخوات وأنا الكبير أهو وبقول أخواتي كلهم جزمتهم فوق راسي».
وتابع عصام -نجل شعبولا- في تصريحاته: «أبونا سابنا مستورين وكل واحد فينا واخد شقة يعيش فيها مسجله باسمه بأوراق رسمية، وكل واحد عارف هو قاعد فين، أما باقي الورث فلم يقسم بسبب تداعيات فيروس كورونا خلال الفترة الماضية، واحنا زي أي إخوات بيحصل بنا خلاف عادي وبنرجع نتصالح».
وأضاف ابن شعبولا: «والدي ما ربناش على اننا نكره بعض ولما حصل قدامه موقف وشاف أخين متخانقين مع بعض عيط ووصانا نكون مترابطين مع بعض واحنا ولاد حلال وعمرنا ما نبيع بعض، وبكررها اخواتي كلهم مستعد أشيل جزمتهم فوق راسي عشان أقول للناس اننا واحد ويكفيني شرف حب الناس لأبويا».
