EN 
لكل منا ذكريات متعددة ومختلفة مع فترة الطفولة، خاصة فى مراحل الدراسة، فالجميع متعلق بهذه المرحلة تعلقا كبيرا، فقد حفرت فى أذهاننا وقلوبنا بعض الحكم والعبر التى أسست حياتنا، ولدينا دائما حنين لها ونتمنى لو تعود بنا هذه الفترة.
وفى هذا التقرير نرصد ذكريات الفنان أحمد أمين مع الثانوية العامة:
قال الفنان أحمد أمين "لما بافتكر الثانوية العامة بشكر الواحد في المية اللي مجاش.. لو كان جه معرفش كنت هبقى فين! فرقت معايا على جزء من عشرة في المية.. عشان أدخل كلية إعلام الكلية اللي كنت عايزها ساعتها.. فدخلت فنون جميلة.. واشتغلت في الصحافة لحد ما وصلت رئيس تحرير وأنا مش إعلام".
وتابع أمين قائلا: «بعدها بقيت ممثل وأصحابي من فنون جميلة بقوا فريقي اللي عملنا مع بعض البلاتوه.. أنا عارف يوم النتيجة بتبقى زعلان أو فرحان علشان فاكر إن دي نتيجة مرحلة.. لكن الحقيقة إنها بداية مجموعة اختيارات كتيير.. كلها ممكن توصل للنجاح عادي جدا».
وأضاف «أصل النجاح مش مرحلة من الدراسة.. ده مشوار كبير وطريق طويل وتغييرات كتير.. ممكن التفوق يبقى نقمة وممكن عدمه يبقى نعمة.. المهم هنكمل إزاي وهنختار إيه».
يذكر أن آخر أعمال الفنان أحمد أمين كان مسلسل «ما وراء الطبيعة»، الذي قدمه بالتعاون مع رزان جمال، وآية سماحة، وسما إبراهيم، وريم عبد القادر، وعدد آخر من الفنانين، وهو من إخراج عمرو سلامة.
وقام بالترويج الفعلي لمنصة "حصص مصر"، لخدماتها التعليمية، عن طريق الفنان وسفير المنصة أحمد أمين، وتواصل استعداتها نظرًا لدخول الطلاب خلال الفترة القادمة الى الامتحانات المباشرة لنصف العام الدراسى، وذلك من خلال عرض خريطة متكاملة من جلسات المراجعة المباشرة على المنصة عبر فيس بوك.
وحققت الحملة الترويجية الذي يقودها الفنان احمد امين الى 19 مليون مشاهدة عبر السوشيال ميديا، غير ان هناك حوالى 25 الف زائر للموقع، و10500 الف مشترك، بالإضافة لحجم مختلف من مشاهدة الفيديوهات التعليمية وحل الأسئلة على المنصة.
