رضا عبد العال: محمد صلاح بيمشي كلامه على كيروش وحقه يتدخل في تشكيل المنتخب

أكد الكابتن رضا عبدالعال، نجم الأهلي والزمالك منتخب مصر السابق، أن النجم المصري محمد صلاح صاحب الكلمة العليا على كارلوس كيروش في المنتخب الوطني، قائلا: "محمد صلاح بيمشي كلمته على كيروش، واللي وصل له محمد صلاح من خبرات زي ميسى ورونالدو يتأخد رأيه وبيفرضوا لاعبين".

وأشار رضا عبد العال، خلال حوار ببرنامج "حبر سري" مع الاعلامية اسما ابراهيم، على قناة القاهرة والناس، إلى أنه من حق محمد صلاح التدخل في تشكيل المنتخب لأنه وصل لمرحلة أنه يحق له التدخل في التشكيل، مؤكدا أن محمد صلاح أقوى من الجهاز المعاون لـ كيروش، متابعا: "كيروش تراجع عن اخطاء مباراة نيجيريا في افريقيا بعد كلام محمد صلاح معه".

واستكمل: "لو لاحظنا في ماتش كوت ديفوار محمد صلاح هو اللى اتكلم وحدد اللاعبين اللي يشوطوا ضربات الجزاء، وفى لاعبين محترفين خافوا يشوطوا، وصلاح حط نفسه الركلة الخامس عشان لو ضاعت هو اللي يشيل الليلة، والمفروض يتعمل له تمثال".