EN
تصدر الفنان الشاب جمال فؤاد، تريند جوجل بعد أن أعلنت الفنانة أمينة عن وفاته أمس حيث نعته بكلمات مؤثرة خاصة إنها تعاونت معه فى فيلم “الشرابية”.
ونرصد فى التقرير التالى، أبرز المعلومات عن الفنان الشاب جمال فؤاد.
أخر رسائل جمال فؤاد
كان أخر رسائل جمال فؤاد عبر صفحته على موقع التواصل الاجتماعى فيسبوك: "أكتر حاجة بكرهها إن حد يلقح بالكلام من غير ما يجيب سيرته علشان يخلى خصمه يعرف يرد عليه إنما الخيبه اللى بتلقح كلام وتقول الحدق يفهم ماعدش حد دلوقتى بيحط فى دماغه انه يفهم بحس شخصيه هبله متخلفه نقصه تربيه ومعندهاش الشجاعه الكافيه انها تواجه خصمها وللأسف انها جبانه".
وتابع الفنان جمال فؤاد: "يا جماعة الكلام ده مش قاصد بيه حد بس خلاص قربت أمسح الفيس من عندى بسبب النفاق وقربت انسي إني راجل متربي على الشجاعه مش الجبن زى ما قالو الجبان اللى بيروح بالكلام".
وأوضح جمال فؤاد: "للمره التانية انا مش قاصد حد بس نصيحه منى اللى عاوز يقول لحد حاجه يقولها فى وشه مايبقاش منافق وجبان شكرا تحياتى ان شاء الله كل يوم اجبلكم نصيحه حلوى ياريت محدش يلقح على حد ولا ينم على حد وعيشي بسلام بما يرضى الله ورسوله النصيه الجايه مفيش راجل مكتوب فى البطاقه ذكر بيمشى ورا وحده ست احضر بقى المقال وابعتهلكم تحياتي جمال فؤاد".
أعمال جمال فؤاد
كان اخر أعمال جمال فؤاد فيلم “الشرابية” والذى شارك فى بطولته مع أمينة وعلاء مرسى ولطفى لبيب وحسن عبد الفتاح وراندا البحيرى وقصة علاء مرسى وإخراج معوض إسماعيل.
كان للفنان جمال فؤاد عدد من الأعمال الغنائية أيضا مع شركة مزيكا ولعل من أبرز هذه الأغانى “بطلنا اللى يعطلنا” و"ابحث عن ذاتى" و"بعدت عنك" و"أرفعى راسك".
كان شارك جمال فؤاد فى عدد من الاعمال الفنية كممثل ولعل من أبرزها مسلسل ألف ليلة وليلة ونعمة والحوت الازرق وأسفين يا باشا.
فنانون ينعون جمال فؤاد
ونعى عدد كبير من الفنانين الراحل جمال فؤاد عبر حسابتهم على موقع التواصل الاجتماعى انستجرام ولعل من أبرزهم الفنانة أمينة والتى اعلنت عن رحيله ووجهت له كلمات مؤثرة قائلة: "جمال فؤاد توفاه الله وهو دلوقتي حالًا بيدفن في البحيرة أمانة تدعوله فهو من أطيب وأحن وأجدع من قابلت".
وأضافت :"هو طيب.. وكان نفسه يحقق حاجة نفسه فيها بس قضاء الله وقدره وأمره نفذ".
واختتمت :" إنا لله وإنا اليه راجعون.. الله يرحمك يا جمال.. الله يرحمك.. فضلًا وليس أمر ادعوله فهو الآن يسأل".
