الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

جمعت 5 آلاف جنيه لعلاجه.. سيدة تنقذ كلبا صدمته سيارة بالغردقة

الكلب قبل علاجه
الكلب قبل علاجه

من الصفات الإنسانية النبيلة التي تزيد الإنسان جمالاً وعذوبة ورقة ؛ صفة (الرحمة) فما إن وجدت في قلب إنسان إلا كانت خيرا عليه وعلى من حوله ؛ أولئك الذين يـرحـمـهـم الـرحـمـن ، وأولئك الذين تطيب بهم الحياة ، هذا مع الانسان فما بالك بالرحمة مع الحيوان وهو المشهد الذى نحن أمامه فى هذا التقرير لسيدة شاهدت حادث تصادم سيارة بكلب مما أدى إلى إصابة الكلب بكسور فلم تتركه رغم تكلفة العلاج وقررت أن تجمع المال اللازم للعملية وعلاجه..

صورة للكلب قبل عمل الاشعة له

إيمان أيمن، إحدى سيدات مدينة الغردقة تقول :"شوفت منظر الكلب وهو بتخبط من العربية وبيطير فى الهوا ، وفضل يصرخ ، محستش بفرق فى نوع الصراخ هل طالع من إنسان ولا من حيوان ، الصراخ كنت حساه طالع من روح بتستغيث، شيلت الكلب وروحت  لأقرب عيادة بيطرية فوجئت أن الكلب محتاج عمليتين لوجود كسور متفرقة ، وده بعد عمل الإشاعات عليه ، واتضح أنه مصاب بكسر في الحوض وعظمة الفخذ، وهيحتاج إلى إجراء عمليتين جراحيتين.

صورة لاشعة الكلب

وتابعت إيمان :"مكنش معايا مبلغ العمليتين وكنت قدام خيارين الأول إنى أحاول أجمع مبلغ العمليتين بأى طريقة والتانى انى اديهم حقن الرحمة اللى بيدوها فى العيادات للكلاب اللى ميؤس من شفاها كنوع من الرحمة بدل متتعذب من الألم ، وقررت إنى آخد القرار الأول، وكتبت على الفيس القصة ، استجاب ليا 3 أشخاص وجمعت مبلغ 5 آلاف جنيه وده كان التكلفة والعمليتن وعملناهم ، والكلب الحمد لله دلوقتى كويس وأودعته في أحد أماكن رعاية الكلاب فى الغردقة .

صورة لاشعة الكلب

وأضافت إيمان :"بعد م اطمنت على الكلب ، شعور رضا غير طبيعي كان يتملكني ،وأنا معاه فى العمليتين كنت بتعامل مع روح مش مع حيوان أو إنسان ،والحمدلله ان ربنا قدرنى انى اعمل المهمة ، لأن الحيوان مفهوش لسان يشكرك لكن شعورى بالرضا ده انا حاسه انه من ربنا عشان كده  وقررت انى احكي ليكم وننشر تفصيل رحلتى فى علاج الكلب عشان تكون عبره لكل شخص يشوف حد محتاج قدامة لازم يساعده..