EN
وجه الشيخ خالد الجندى، عضو المجلس الأعلى للشئون الإسلامية، نداء الى كل شيوخ مصر بأن يراعوا الفقراء فى فتاويهم، قائلا: "أنا عاوز من مشايخنا الفضلاء يراعوا أن الناس بتكح تراب، وكمان الطبقة المتوسطة بقيت مش موجودة، ومفيش دولة فى العالم هتقدر تلبى كل احتياجات شعوبها، فلازم فتاوى الشيوخ لا تنفصل عن الشعب".
وتابع الجندى، خلال حلقة برنامج "لعلهم يفقهون"، المذاع على فضائية "dmc"، اليوم الثلاثاء: "لازم تخلوا فتاويكم تقرب الأغنياء بالفقراء، انا اقولكم ازاى لما يكون واحد عنده مليون جنيه، بياخد عليهم ١٠ آلاف جنيه فى الشهر، يبقى آخر السنة معاه مليون و١٢٠ ألف جنيه، وتيجى نقوله ادفع زكاة على المبلغ كله ولا على الربح.
وأكمل خالد الجندي: الصراحة مينفعش تقوله على الربح لأنه ١٠% على الربح، يبقى الفقير هياخد ١٠ آلاف جنيه، حضراتكم بتراعوا الغني وبتخلوه يدفع على الربح، اتقوا الله فى الفقراء، لازم الزكاة تخرج على أصل المبلغ كله، ليه توفر للغنى ١٥ ألف جنيه، من حقوق الفقراء، لازم تراعوا حق الفقير ويكون فى نظرة موضوعية لفقه الزكاة".
