EN 
قالت أم محمد، إنها لم تستطع أن تسامح أولادها البنات، معقبة: "ربيتهم أفضل تربية وحصلوا على تعليم عالي".
وأضافت "أم محمد"، خلال مداخلة هاتفية عبر فضائية "الشمس"،: "بعد ما والدهم توفى بـ10 أيام طالبوا بورثهم وهي عبارة عن بيت أجلس فيه أنا وأخوهم، قولت لهم سبوني أموت في البيت وبعدين اتصرفوا فيه".
وأشارت: "بنتي ضربتني وطردتني قدام أحفادي بعد ما ربيتها وخليتها دكتورة ورمتني في دار مسنين"، متابعة: "أنا مش قادرة أسامح بناتي بسبب اللي عملوه معايا".
وأوضحت: "طردوني من البيت وقعدت في بيت بالإيجار"، مضيفه: "كل شويه بنتي الدكتورة تتصل عليا وتقولي يا حرامية أنت وابنك أكلتي حقوقنا".
وأردفت: "بناتي عملوا معايا كدا بالرغم من أنهم مش محتاجين لأنهم متجوزين ومعاهم أولاد كبار"، لافته: "كنت بشوف رقم بنتي على التليفون ضربات قلبي كانت بتتسارع".
