EN 
قالت دلال عبد القادر، أول مسحراتية في مصر، إن لديها 4 أولاد، وهم: عاطف وشيماء وأحمد ومحمود، معقبة: "يابختي بأولادي لانهم هم اللي مقوييني ومشجعني على الحاجات الجميلة اللي أنا بعملها".
وأضافت دلال عبد القادر خلال لقائها ببرنامج "بنت البلد"، الذي تقدمه الإعلامية نشوى مصطفى، على فضائية "صدى البلد"، أن شقيقها كان يعمل مسحراتي أيضاً معقبة: "كان مسحراتي وكان صوته حلو الله يرحمه .. علشان كده كانت أمنية حياته ان حد يصوره وهو بيغني ويطلعه في التليفزيون .. وأنا حققت له الحلم ده".
وتابعت أول مسحراتية في مصر، أنها تمارس مهنتها كـ مسحراتية في مناطق كثيرة، منها: المعادي، والسد العالي، شارع فرج يوسف، شارع عبد الحميد مكي، معقبة: "بحب أشتغل في الأحياء الشعبية ديه عشان لما بقع بلاقيهم كلهم حواليا".
وعلقت دلال عبد القادر على اللاعب محمد صلاح قائلة: "أنا بحبه أوي الراجل ده، ربنا يباركلنا فيه، ويبارك له في ابنته مكة .. بحبه جداً لأنه حنين كده وتحسه انه محترم .. وكفاية انه مصدر فخر لنا برة".
