EN 
كشفت الفنانة رحمة أحمد "مربوحة" في مسلسل "الكبير أوي" أنها رغم إلتحاقها بمسرح الجامعة في أثناء الدراسة بكلية العلوم لكنها لم تمثل "كوميدي" وكانت كافة أدوارها "دراما" وتراجيديا ".
وتابعت "أحمد" خلال لقائها عبر برنامج "كلمة أخيرة" الذي تقدمه الإعلامية لميس الحديدي على شاشة ON:كنتب مثل تراجيدي طول الوقت ومكنتش بعمل كوميدي وكانت أدواري عياط ونحنحه لحد ما قالي احد الزملاء في الكلية صلاح الدالي وقالي إيه الي بتعمليه ده ؟ وكان جه أخرجلنا مسرحية وقالي إيه النكد ده ؟ لازم تتجهي للكوميديا شوية وأخذني وقتها ووظفني في المجال الصح لي".
وأكملت : "هو بيعرف يوظف ويطلع الضحكة مننا لمس فيها حتى الكوميديا من قدرتي على "التشخيص" أو التريقة والهزار فلمس فيها الشق الكوميدي".
وواصلت : "إحنا أربع أخوات في البيت والعيلة كلها بتحب الهزاء بس أنا أكتر حد واخدة الحتة دي من أمي لانها شخصية بتحب الضحك والهزار".
واستطردت : "ماما طول الوقت بتهزر ولما بتقفش حد بتفضل تهزر وماما لطيفة وعلى الله".
وعن رد فعل أسرتها على دورها في مسلسل الكبير أوي : مبسوطين وفخورين بيا وطول الوقت أثناء التصوير كانوا معايا طول الوقت بالتشجيع ".
