EN
خصصت الإعلامية مفيدة شيحة، في برنامجها الستات، المذاع عبر قناة النهار وان، مساء اليوم الأربعاء، فقرة عن خطاب الكراهية ضد المرأة، متسائلة :كيف تآمن المرأة وهي لا تستحق الاحترام في نظر أشباه الرجال؟، كيف نربي أبنائنا على استباحة المرأة!.
وتسألت مفيدة شيحة، :هل يصنع الرفض قاتل؟، هل ساهم الفن وبعض رجال الدين في استباحة المرأة؟، متابعة :أكيد مافيش موضوع ينفع أتكلم فيه غير موضوع واحد بس اللي شغل كل الناس الأيام الأخيرة، وكشف قد إيه في بيننا ناس غريبة لا يمكن تخيل مدى السوء اللي وصلوا ليه، أيوة هي نيرة.
وتابعت مفيدة شيحة، انه :"البنت البريئة اللي فقدت حياتها بسبب شخص مهما حاولت مش ممكن هقدر ألاقي وصف أوصفه بيه، هو في ايه بجد؟ ازاي بنت تتقتل قدام جامعتها من زميلها لمجرد إنها رفضت الارتباط بيه؟ إزاي شخص وصل للمستوى ده أصلا من القسوة والبشاعة وانعدام العقل وانعدام الدين وانعدام المشاعر.. ايه ده؟.
وأكملت مقدمة برنامج الستات: ازاي كدة؟ وازاي بقى بينا ناس بالشكل ده؟ معقول خلاص ده تفكير شاب في السن ده؟ ازاي الوسيلة الوحيدة عنده بقت لغة الدم! ازاي عقله جاب وقرر مرة واحدة ينهي حياة بنت بريئة مالهاش أي ذنب غير إنه حاول يرتبط بيها ورفضته؟ ايه، بقينا خلاص ماشيين ندبح في خلق الله.. ازاي بجد التفكير الدموي ده اتغلغل ووصل لشاب زي ده؟.
