حلت الفنانة عفاف شعيب، ضيفة على الإعلامية ياسمين عز ببرنامج " كلام الناس" والمذاع عبر قناة " إم بي سي مصر"، تحدثت خلال اللقاء عن زواجها وتعرضها للسحر..أبرز التصريحات:
عفاف شعيب: مبقاش عندي أصحاب والستات بيسجلوا لبعض
ووجهت الإعلامية ياسمين عز، سؤالا للفنانة عفاف شعيب، قائله: "فيه مواقف غيرة حصلت معاكي؟"، لترد قائلة: "حصل كثير".
وأضافت عفاف شعيب: "المشكلة حاليا أما بيكونوا ستات مجتمعين بيسجلوا لبعض وهما قاعدين مع بعض"، متسائلة: "ليه وصلنا لكده، لأن ده اعتداء على حرمة الغير..وصحابي محدودين جدا، وكان ليا صحاب بعدد طوب الأرض، لكن دلوقتي لا لأن فيه حاجات كتيرة حصلت وكلام كتير".
عفاف شعيب: بطلت أقعد مع ستات عشان جلساتهم كلها ذنوب
وأردفت: "الحجاب عصمني من حاجات كتير وبطلت أقعد مع ستات عشان جلساتهم كلها ذنوب.. قبل ما اتحجب كنت بحضر كل المهرجانات وعمري ما قولت فلانة لابسة أحسن مني أو حاجة".
واستطردت: "أخذت ركن لوحدي علشان عايز أقابل ربنا وهو راضي عني، ويرزقني حسن الخاتمة".
عفاف شعيب: اتطلقت بسبب عمل سحر وشعوذة
قالت الفنانة عفاف شعيب: "انا خايبه في الزواج وتعرضت للسحر والشعوذة في حياتي، معقبة: "مفيش حد جه عليا وأقول يارب إلا وربنا بيجيب لي حقي".
وأضافت: "اللي عملتلي العمل وأذتني قولت يارب أنت وكيلي وحسيبي، العربية اتقلبت بيها وعايشة عاجزة لحد دلوقتي.. كانت غير معروفة ولم تكن شخصية عامة".