EN
علّق الرئيس عبد الفتاح السيسي، على مشكلة الدولار، قائلاً: "كان لدينا حجم معين من الدولار يدخل مصر ، وإحنا حريصين على أن الدولار يكفي السلع الأساسية".
وقال الرئيس السيسي في مداخلة هاتفية في برنامج "التاسعة" المذاع على القناة الأولى": "هناك ارتفاع في أسعار القمح عالمياً وتضاعفت الأسعار لو بدفع في القمح 3 مليارات بقوا 6 مليارات دولار ولو بحط في الذرة 2 مليار دولار بقوا 4 مليارات دولار ".
وأضاف الرئيس السيسي: "حاولنا أن نزيد حجم المنتج الصناعي لتخفيض فاتورة مستلزمات الإنتاج في مصر “، مضيفا: ”مستلزمات الإنتاج تكلفتها 30 مليار دولار وبالتالي الضغط على الدولار عالي".
وتابع الرئيس السيسي: "نشتري بترول بـ 2 مليار دولار في الشهر وده بيشكل عبء، وفي الآخر لازم تدخل محطة البنزين تلاقي بنزين".
وأكمل الرئيس السيسي: "الغاز ده كان كرم من ربنا واحنا بنستهلك غاز بقيمة 2 مليار دولار في الشهر لو انا معنديش الغاز ده كنت هشتري الغاز بـ 20 و 30 دولاراً للوحدة الواحدة بقيمة تصل لـ 10 مليارات دولار شهريا، وساعتها مكنتش هقدر ومش هجيب وهطفي".
ولفت الرئيس السيسي: "احنا بنتكلم في وادي وانت بتتكلم في وادي تاني يبقى لازم أكون زعلان ، انا زعلان على البلد".
