EN
افتتحت الإعلامية مفيدة شيحة، مقدمة برنامج الستات، المذاع عبر قناة النهار وان، مساء اليوم الأحد، حلقة البرنامج اليوم بطرح سؤال، قالت فيه :"هل تتعارض الحاسة السادسة مع أن الست بتحب بودنها؟".
وأضافت مفيدة شيحة، أن "الأسطورة تقول إن الست تحب بأذنها والأذن تعشق قبل العين أحياناً، يعني لو راجل بيعرف يقول الكلمة الحلوة تحبه، والأسطورة كمان بتقول ان الست عندها حاسة سادسة، جهاز رادار لكشف الكذب، و لو حد جرب يضحك عليها بالكلام الحلو هتكشفه فوراً".
وتابعت مفيدة شيحة، أن :"السؤال الأهم هل الست وهي نقطة ضعفها في ودنها هتصدق كل الكلام الحلو؟، و لا الحاسة السادسة هتنور لها إشارة الخطر و تشغل إنذارات الكذب؟، طب و لو الحاسة السادسة بتكشف لها كل حاجة.. ليه بيتضحك عليها و تنخدع؟ و لا هي بتطنش الخطر بمزاجها و ترمي نفسها فيه و هي عارفه؟".
وتساءلت مفيدة شيحة: "متى تسمع الست صوت الحاسة السادسة و تصدقه و تخليه يحميها؟ ومتى تعطله و تساهم في تدمير نفسها؟، وهل ممكن يتعطل و ما يشتغلش و لا هو كدا كدا شغال؟".
الستات أكتر كائنات روحانية
وأنهت مفيدة شيحة، مقدمتها للبرنامج قائلة إن :"الستات أكتر كائنات روحانية، وبالتالي يأثر فيها المعاني اكتر من اي حاجة.. تملكها بكلمة و تخسرها بكلمة.. و سبحان الذي ينعم بنفس ما يعذب به".
وأشارت إلى أن أثبتت دراسات قدرة المرأة على كشف كذب الرجل من خلال التواصل وجها لوجه، والإشارات غير اللفظي تشكل ٦٠ الي ٨٠٪ من تأثير الرسالة، و ٢٠ ٪ للكلمات و الأصوات، وهنا بيشتغل رادار الست علي التقاط هذه المعلومات و تحليلها و يفك و يدمج ثغرات المعاني و الإشارات".
