EN 
نشر الدكتور أحمد عشماوي المتخصص بطب الاطفال علي صفحته الشخصية بالفيسبوك منشور عن دواء منتشر بالاسواق يسبب تشوه الأجنة
وقال عشماوي "حالة النهاردة شاب كان بياخد دواء " نت لوك " لحب الشباب وتسبب إنه عمل تشوه لجنين واحدة حامل و هو أصلا ميعرفهاش ولا قابلها قبل كده !
- النت لوك المادة الفعالة بتاعته هي ال isotretinoin بالتالي أي دوا فيه الماده دي ف هو هيعمل نفس اللي بيعمله النت لوك .
طبعا المعروف عند معظم الناس إن الدواء دا من أقوى أدوية حب الشباب على الإطلاق وبيستخدم للحالات الشديدة من حب الشباب و الدواء مفيد وفعال لكثير من الحالات
- وكمان عارفين إنه بيأثر علي وظائف الكبد فلازم تعمل تحليل وظائف كبد قبل ما تاخده وتعيده مره كل إسبوعين لحد ما نتيجه الدواء تبدأ تظهر، وكمان عارفين إن البنات تحديداً عشان تستخدم الدواء ده لازم متكونش هتتجوز قريب ولو متجوزه تأخد وسيلتين منع حمل وتحرص جدا عشان الدواء دا مشوّه جداااااً للأجنة
- أما ما لا يعرفه الكثيرون هو أن الدواء دا مركباته بتفضل في مكونات الدم داخل جسم اللي بياخده طول فترة العلاج وحتي بعد إيقافه ولمدة شهر ونص ، لو الشخص دا راح إتبرع بالدم والدم دا نُــقـِـل لبنت او سيدة و حملت خلال شهر من التبرع هيتنقل لها وهيسبب تشوه للجنين بتاعها ودي كانت حاله النهاردة.
عشان كده مــمــنـوع أي حد شاب أو بنت من التبرع بالدم طول فترة استخدامهم للدواء ولمده شهر علي الأقل من بعد آخر جرعة
وطبعا عند التبرع بالدم مهم ان الطبيب بيسأل المتبرع إذا كان بياخد اي ادويه ولا لاء والمفروض مينساش يذكرله النت لوك قبل ما يتبرع .
