EN 
علق الخبير السياحي وليد البطوطي على وصول نسبة الإشغالات في الفنادق المصرية لـ 100% في رأس السنة ، قائلا: “ربنا يديمها علينا نعمة، وده نتاج مجهود وناس بتشتغل كويس، وهناك خطة جدية موضوعة والناس بتشتغل عليها والوزارات، وكل حاجة بتخدم على قطاع السياحة”.
وأضاف وليد البطوطي، عبر مداخلة هاتفية لـ برنامج "هذا الصباح" المذاع على فضائية "إكسترا نيوز"، أن الهدف من هذه الخطط هو زيادة دخل مصر من العملة الصعبة، وهو نتيجة المجهودات السياسية، وعلى سبيل المثال مجهود الإعلام في إيطاليا، ومجهودات وزارة الخارجية.
وتابع: “فيه ناس رافضة إن يكون عندنا أمل وإن بكره هيكون كويس، وربنا يعينهم على نفسهم ويصلحلهم حالهم، والكمال لله وحده بس إحنا بنحاول، وكل الناس شغالة”.
وأردف: “الناس لازم تكون فاهمة إن السائح الأجنبي ده يعني عملة صعبة تتدفع في جهاز غسيل كلوي وأجهزة نستوردها من بره”.
وأشار إلى أن متحف الحضارة يخدم السياحة من خلال الفعاليات الأسبوعية التي يقيمها، وتبهر السفراء والسياح بجرعة ثقافية “ملهاش حل”.
