الدموع في عينيه.. سامح حسين متأثرا: كنا بناكل بواقي الأكل

حل الفنان سامح حسين، ضيفًا ببرنامج "واحد من الناس"، والمذاع عبر قناة الحياة، للحديث عن أسرار من حياته الشخصية وكوابيس بداياته الفنية.

وقال حسين خلال حواره بالبرنامج مع الإعلامي عمروالليثي،:" عيشنا فترة صعبة ووالدتي كانت بتروح لقرايبنا وتقولهم عاوز بواقي الأكل عشان مربية فراخ في المنور والحقيقة كنا إحنا الفراخ".

وأردف،: "أنا بحكي الكلام ده ومعنديش أي خجل، والدتي كانت منفصلة عن أبي وكانت هي من تتولي الإنفاق علينا، متابعا:" أنا اتمرمطت كتير".

واستكمل متأثرا والدموع في عينيه،: "كنت بشتغل أيام الجامعة عشان مش عارف أجيب مصاريف منين وكنت بشيل الطوب والرمل لحد ما فقرات ضهري تعبتنى".

وأختتم،: "أنا بحكي الكلام ده ليه لأني طرقت كل أبواب الرزق الحلال وجايز حد يشوفني نموذج كويس فيكون عارف انا بدأت ازاي".