EN 
كشفت الفنانة عبير صبري عن رأيها فى خلع الحجاب بعد أن ارتدته لمدة 5 سنوات متتالية وذلك فى لقاء ببرنامج تابوه مع الإعلامى نزار الفارس.
وقالت عبير صبرى: «الحجاب صعب والستات هيفهموني، الحجاب جهاد للمرأة الست المُحجبة هي ست بتجاهد لأن الفتن كبيرة وأنا ضعفت عن تحمل مسئولية الحجاب، قعدت 5 سنين وكنت مبسوطة في الأول وبعدين بدأت حاجات شخصية في حياتي خلتني أحس إني مش قادرة أكمل بالحجاب، فتنة، حسيت إن التزامي بطريقة اللبس بتاعة الحجاب قل.. بدأت أبقى دلوعة شوية.
وأضافت عبير صبرى : كان في ضغوط شخصية ومهنية عليا، لأن في الوقت دا كان موضوع الحجاب والشغل بيه مش سهل، قدمت برامج اجتماعية وقتها لكن كان في أزمات مريت بيها خلتني مش قوية إني احتفظ بالحجاب وزعلانة واتمنى أرجعله تاني، وتحية لكل ست ربنا يثبتها لابسه الحجاب ومكملة بيه رغم الصعوبات والفتن.
وأثارت الفنانة عبير صبري حالة من الجدل الواسع بسبب تصريحاتها المثيرة للجدل بشأن أمنيتها بالتمثيل فى الجنة مع آل باتشينو.
عبير صبرى
وقالت عبير صبري: الله أعلم إن شاء الله ربنا يدخل كل الناس الجنة، بس أنا بشوف آل باتشينو موهبة عظيمة لن تتكرر".
وأوضحت عبير صبري في حال تمثيلها بالجنة: طبعًا أحب أمثل في الجنة واختار أمثل مع آل باتشينو، وأكيد في الجنة هبقى مشغولة بالحاجات الكتير الحلوة فكفاية آل باتشينو لأني بحبه جدًا".
وماذا تفعل عبير صبرى فى أول يوم بالجنة قائلة: أحب أشوف سيدنا محمد عليه الصلاة والسلام، وأحب أشوف السيدة عائشة بحبها جدًا وأشوف سيدنا الحسن والحسين.
