EN
كشف أحمد سيد “زيزو”، نجم نادي الزمالك، عن كواليس الأزمة الأخيرة التي تعرض لها داخل النادي، مشيرًا إلى أن البعض حاول تشويه صورته أمام جماهير القلعة البيضاء، رغم إخلاصه للنادي وتضحياته.
وقال زيزوفي تصريحاته مع الإعلامى إبراهيم فايق : “هما اللي كانوا عاوزين يطلعوني بالصورة دي، لكن الحقيقة غير كده خالص. أنا كنت واضح مع الإدارة ومع الكابتن حسين لبيب من البداية”.
حديث واضح مع حسين لبيب
أوضح زيزو أنه جلس مع رئيس نادي الزمالك، حسين لبيب، وأبلغه بموقفه بشكل صريح، قائلًا:
“قلت للكابتن حسين لبيب: لو مش هتبيعني، جددلي عقدي، وأنا أصلاً مش فارقلي الفلوس”.
وأضاف: “كل اللي كان يهمني إني أحافظ على استقراري، سواء بالإعارة أو بتجديد عقدي، مش زي ما حاول البعض يروّج”.
ولاء بلا مقابل
أكد اللاعب أنه لم يضع المال كشرط أساسي في قراراته، بل كانت رغبته الأولى هي خدمة الزمالك بأفضل طريقة ممكنة.
وأوضح أنه كان مستعدًا للبقاء أو الرحيل في حال كانت مصلحة النادي تتطلب ذلك، لكنه طلب فقط الوضوح من الإدارة.
لو كنت مكان الإدارة.. كنت هبيعه
وفي تصريح جريء، قال زيزو:
“لو أنا رئيس نادي الزمالك وعندي لاعب في نفس موقفي، كنت هبيعه واستفدت منه ماليًا. الكرة دلوقتي بقت شغل، ومفيش لاعب بيقعد على طول، والمهم هو مصلحة الكيان”
