باسم يوسف يُحذّر من المبالغة في انتصارات إيران: بلاش العشم الزائد .. كلنا خسرانين

حذّر الإعلامي باسم يوسف من المبالغة في الانتصارات العسكرية لإيران أو لمقاتلي الحزب في الحرب الأمريكية الإسرائيلية الدائرة حاليا.

وقال باسم يوسف، في منشور له عبر "فيسبوك"اعتبروا البوست دة فضفضة، أعتبروه يأس أي حاجة بس أعتقد أن فيه ناس عندها نفس الإحساس وخايفة تتكلم".

وتابع: "العشم حلو وحلو قوي بيديك أمل وطاقة لكن العشم لما يزيد عن حده ممكن يقلب غم ويا رب أكون غلطان، خاصة انى شايف البعض بيعظم الانتصارات العسكرية لإيران أو لمقاتلي الحزب وأنا متفهم ده جدًا.. الصمود وعدم الانكسار قدام أقوى إمبراطورية في التاريخ أكيد شئ ملهم جدًا ولكن اللي أنا خايف.

واكمل" نفس المشاهد اللي كنا بنحتفل بيها لما حد في غزة يفجر دبابة من المسافة صفر، وهذا لايمنع ان فيه بطولات ملهمة جبارة كانت داخل غزة.. لكن في الأخر وللأسف طال الوقت أو قصر غزة أتسفلتت وأتدمرت ومات ما يقرب من 100 ألف في مقابل خسائر تكون معدومة بالمقارنة على الجانب الأخر".

وقال: "نفس فكرة احتفال الناس يقتل 6 ولا 12 واحد من الجيش الأمريكي قدام آلاف الإيرانيين لأنه للأسف جوانا إحنا شايفين الجندي الأمريكاني أو الإسرائيلي قيمته بقيمة مئات أن لم يكن الآلاف مننا".

وأوضح "يوسف"،: "تعظيم الإنجازات الإيرانية مفهوم ونفسيا مهم لكن يا جماعة الحرب رايحة في سكة وحشة جدًا حتى لو أمريكا فقدت جنود في الغزو البري حتى لو أسعار الطاقة ولعت.

وقال"إحنا مش بنتعامل مع دولة يهمها الناس بتوعها أو حتى أرواح جنودها ولا حتى أن الأسعار تولع .. إحنا بنتعامل مع افراد و شركات الحرب دي مربحة جدًا ليهم حتى لو على حساب آلاف الجثث وحتى لو كان منهم أمريكان".

واشار"فيه رئيس بنقول عليه مجنون بس مع كل تصريح بيهبد ويعلي في البورصة هو واللي حواليه بيكسبوا مليارات في المضاربة انسوا فكرة أن دي دول أو حكومات ضد بعض.. المواطن الإيراني والمواطن الأمريكي والمواطن العربي كلنا كلنا خسرانين".

وتابع: "إحنا شفنا غزو العراق والصحاف" والعلوج" وفي الأخر رسيت على أيه؟.. شفنا اللي حصل في غزة و لبنان ودلوقت في إيران.. أنا خائف من العشم المبالغ إننا نصحى يوم تلاقينا واخدين على قفانا للمرة المليون".

واختتم: "ربنا يستر علينا.. إحنا عايشين مع ناس همج ما عندهمش مانع يضربوا نووي وما حدش حيعملهم حاجة.. ويا رب أبقى غلطان.