مؤيدو "صباحى" يدشنون هاشتاج "#حمدين_نجح"..وناشط: الأرقام اللى جايبها حمدين دى درجات حرارة

دشن مؤيدو حمدين صباحى موقع التواصل الاجتماعى "تويتر" هاشتاج أطلقوا عليه "#حمدين_نجح" وذلك للشد من أزر مرشحهم والتعبير عن حبهم له حتى بعد حصوله على نسبة تصويت فى الانتخابات الرئاسية ضئيلة قدرت بـ 2.92% فى مقابل حصول المرشح المنافس له المشير عبد الفتاح السيسى على نسبة أصوات بلغت 92.80%.
وتنوعت تعليقات النشطاء فغرد "@elgohary118" : "حتى لو حمدين ما كسبش الرئاسة كفاية إنه كسب احترام 25 مليون مواطن يكفينا الاحترام والتقدير"، وقالت "@mohamed3ly83" : " شكرا حمدين ستظل رمزا للنقاء الثوري و النضالي لقد قمت بتغليب مصلحة مصر على مصلحتك الشخصية ".
وكتب " Mounir " : " فى ٢٠١٢ حمدين طالع تالت من بين ١٣ مرشحا وفى ٢٠١٤ خد تالت برضو رغم إنهم اتنين مرشحين برافو حمدين فضلت محافظ على مستواك السنتين دول "، بينما غرد " Ramadan Elgayar" : " حمدين نجح في إنه يثبت إن مصر لسه فيها ناس بتخاف عليها. .كان يمكنه التسلط والانسحاب او يقول كما قال غيره إما أن أنجح أو البد تولع ".
وفى نفس السياق، غرد "Islam MoTaMiEz" : "للأسف الظروف كانت أقوى منه ..يكفيه شرف المحاولة "، وكتبت " JayLaN" : "انا بحترمك لحاجة وحدة انك نزلت انتخابات قدام السيسى مع انك واثق إنك مش هاتكسب ".
فيما قال " Mǒĥămĕď ŠǎmĨŕ " : " حمدين خسر آه بس كسب احترام شعب قاااطع انتخابات باطلة.. خسر كرسى وكسب قلوب أحلى من الكرسى "، وغردت "Doha MAhmoud ‏ " : " بجد حمدين شجاع وكمل للآخر لإنه لو انسحب كان هيدى فرصه للاخوان يبوظو فرحتنا ".
ولم يسلم هذا الهاشتاج من سخرية بعض النشطاء المؤيديين للسيسى فغرد " ‏@m_nassar35" : " الأرقام اللي جايبها حمدين دي مش أصوات مرشح أبدا ...... دي آخرها درجات حرارة "، وقال "Mina Michel" : " أول مرة أشوف انتخابات اتنين بيتنافسوا فيها واحد فيهم طلع التالت "، بينما "@MandoSale7" : " فيه ايه لو حمدين كان سمع كلامى فى المشروع بتاعى هنأجر عجل فى شرم الشيخ أهو أحسن من الرئاسة وفيها فلوس كويسين وكنت هخليه الأول ".
وغرد "@ayman2848" : " قوم يا حمدين اقوم اروح فين قوم نادي علي الصعيدي وابن عمه البورسعيدي "، بينما كتب "@mohamed_elfran" : " ودلوقتى السيسى بيغنى لحمدين : بيقولو سلمولى .... سلمولى عليه . اللى وحاشنى وانا وحشاه سلمولى عليه ".