"شيحة" يكشف بالأسماء عن رغبة أعضاء الاسماعيلي في رحيل "ريكاردو"

اكد محمد شيحه وكيل اللاعبين ان العديد من أعضاء مجلس ادارة النادى الاسماعيلي لا يرغبون فى تواجد البرازيلى ريكاردو لقيادة الدراويش لافتا الى ان محمد صبحى حارس المرمى وقع لنادى سموحه موسمين نظير مليون و700 ألف جنيه.
قال شيحه عبر الصفحة الشخصية بموقع التواصل الاجتماعى "فيسبوك": علي فكرة انا مسئول عن تصريحاتي واعلم جيدا ما ألفظ به وكل كلمه بقولها حقيقة واعتقد ان اللي يعرفني هيتأكد اني مش بقول غير الحقيقة اه صبحي مشي ووقع لسموحه سنتين مقابل مليون وسبعمائة الف ومليون وثمانمائة ألف وقبض فلوس كمان".
وتابع: ريكاردو في المجلس مش عاوزينه وبالاسماء هم المهندس خالد فرو والعميد بديع ابو علي والاستاذ احمد عبدالحليم والاستاذ وليد الكيلاني وكابتن عاطف عبدالعزيز وابراهيم ابوعلي وعليهم حمد عيد كمان من غير صوت وطبعا كده يبقي ناقص الحاج وابنه حسين واتحدي ان يقال عكس كده وكمان ريكاردو لو لم يصعد للمربع الذهبي الجمهور مش هيستحمل انه يقعد وكلامي هنا عن الجمهور اللي اعرفه عاشق للنادي مش مدفوعي الاجر ممن يدعون حب النادي اقول كمان ولا كفايه اظن كده كفايه اه نسيت حاجه اللي هيطلع يكذب كلامي هخلي شكله وحش.