EN
شن المستشار مرتضى منصور هجوما عنيفا على محمد إبراهيم لاعب الزمالك السابق، والمنتقل حديثا إلى فريق ماريتيمو البرتغالي بعدما أعلن عبر حسابه على تويتر مساندته لروابط مشجعي الألتراس.
وقال مرتضى في تصريحات لقناة دريم "هذا المجرم الجبان كان لازم يمشي من نادي الزمالك، وأنا هقدم شكوى لاتحاد الكرة ضده".
وتابع، "هو جبان لأنه مقالش الكلام ده غير بعد لما البطاقة الدولية وصلت ناديه الجديد البرتغالي، وكان بيقعد قدامي زي الفار المذعور وتقولي دول عيال مجرمين أنا معرفهمش".
وشدد مرتضى، على أنه سيضع ابراهيم على قوائم ترقب الوصول في المطار مضيفا "وذلك لكونك اعترفت انك بتنتمي لجماعة ارهابية مسلحة، وأول لما يوصل مصر هيطلع على النائب العام يتحقق معاه".
وأضاف رئيس الزمالك إلى ابراهيم "لو انت راجل كنت قلت الكلام ده وانت في مصر أو قبل البطاقة الدولية ما توصل، كان لازم نادي الزمالك يتخلص من الولد ده ومن امثاله، وانا لما قالولي انه جاله عرض قلت يتساب في 60 داهيه والجزمه القديمه فوق دماغه".
واختتم مرتضى تصريحاته قائلا "وبقول لشوقي غريب ان الواد ده لو ارتدى فانلة مصر هيكون الحساب عسير".
