"دمــوعــى عــلــمــتــها" قصة جديدة للشاعر أحمد الببلاوى

قالولى بتسلم
ف ظهرك كتير رغاى
انا قلت ده كلام
طبع الكلام حكاى
طبع الكريم ينسى
طبع اللئيم شكاى
ميهمنيش رغيهم
أمرنى أكون نساى
---------------------------
دموعى علمتها
تبكى على الغالى
القلب من وقتها
من فرحته خالى
لو الكلام طبعهم
مشغول انا بحالى
ولو القسى ملكهم
الرحمه ريس مالى
-----------------------
العقل لما صرخ
فين هما اصحابى
القلب صوته اتنبح
عرفنى احبابى
جاوبت لده وده
بصوا على اعتابى
ما تلاقوا غير الشجن
والصبر بوابى