بالفيديو.. «الجندي»: "كنت متصور أن اللي بيدخل موقع إباحي بيتقبض عليه"

علق الشيخ خالد الجندي الداعية الإسلامي، على قرار القضاء الإدراي بحجب المواقع الإباحية داخل مصر، قائلاً: « أنا بصراحة مستغرب هي الحكومة مستنية قرار من القاضي عشان تقفل المواقع الإباحية، لما الحكومة مش عارفة تحمى السياج الأخلاقي والديني والاجتماعي لمجتمع متدين سواء مسلم أو مسيحى يبقى هي وظيفتها أيه؟».
وأضاف «الجندي»، خلال تقديمه ببرنامج «نسمات الروح»، المذاع على فضائية «الحياة»، قائلاً: «إن هذا القرار أفهم منه أن القاضى بيلزم الحكومة بتطبيق الدستور»، متسائلاً: «أنا نفسي أعرف هى المواقع الإباحية ليس عليها حظر وكل اللي عايز يدخل عليها بيدخل عادى كدة؟، أقسم بالله أول مرة أعرف كدة، أنا كنت متصور أن أي حد بيدخل موقع إباحي بيتقبض عليه ويتقفل الموقع اتوماتيك».