بالفيديو.. خيري رمضان لأردوغان: "روسيا واجعاك.. ومصر تاعباك"

علق الإعلامى خيرى رمضان، على رفع الرئيس التركى رجب طيب أردوغان علامة رابعة أثناء حصوله على الدكتوراه، قائلا "إنت تاعباك فى إيه دلوقتى مصر.. أنت رايح عشان روسيا اللى واجعاك.. اللى أنت بتقولها نرجو اتباع الطرق الدبلوماسية.. وأنت قاعد تتنحنح يا أبو صوت عالى يا فذ.. ايه اللى دخل مصر فى الموضوع".
وأضاف رمضان، خلال تقديمه برنامج "ممكن"، على فضائية "سى بى سى"، "أنت بتاخد دكتوراة فخرية من دولة كلها لو أدتك دكتوراة باسم بلدها كلها مش هتساوى حاجة عشان حكومتها"، مستطرداً: "اللى واجعه.. روسيا تمنع الطيران.. يقولك همنع الطيران التركى إلى شرم.. أحسن يا ريت نمنع الطيران التركى أساساً إنه يدخل مصر مش عاوزينك يا سيدى الله الغنى عنك.. لازم الدولة تنشف شوية وهى بتواجه حد زى أردوغان".