هشام النعال يكتب: موال بغنيه .. انا مصرى

انا عاشق تراب بلدى
بالدم افديه
وكمان فداه ولدى
ودموعى تحميه
تندى ثراه بدرى
من قبل ما تكويه
خطاوى الغدر من قبلى
وبقول يارب خليه
ده عزوتى وسندى
ومن العدا نجيه
واجعل صباه فى المدى وردى
_____
موال بغنيه
ياليل انا عربى
موال بغنيه
ياعين انا مصرى
انا عصرى
ونصرى
دينى
مقوينى
وانا اصلى
معرفش اكون مهزوم
ولا يمكن يجيلى نوم
الا وانا منصور
ودايما حلمى يدور
ودايما حلمى يثور
وما يرتاح الا فى يوم
يطلع يلاقى النور
مرسوم
يطلع يلاقى الزور
مرجوم
ما يرتاح الا وراية بلده
بترفرف
على راس النجوم