EN
- السيسي:
- عايزين كل جنيه يتحسب كويس
- إحنا بنحاول نجهز بلدنا لمستقبل أفضل
- مش عاوزين عمالة زائدة فى ميناء سفاجا
- نخطط لإنشاء منفذ جديد في جغبوب على الحدود الليبية
قال الرئيس عبد الفتاح السيسي، إن تكلفة نقل البضائع بسيارات الشحن تتحملها الدولة، مشيرا إلى أن كل قطاعات الدولة تعمل بشكل منفصل ولكن تتحمل الدولة تكلفة أعمالها.
واستنكر الرئيس تحمل الدولة تكاليف تموين سولار الشاحنات الأجنبية داخل مصر، مطالبا بإنشاء محطة لتموين داخل ميناء سفاجا لتكون مصدرا للاستثمارات.
وقال: "دي بلدنا كل جنيه يتحسب فيها كويس أوي.. هنوفر لهم الوقود بس نكسب إحنا كمان".
وأضاف أن هناك أشخاصا يحاولون دائما التقليل والتشكيك في العمل الذي تقوم به الدولة، وتابع: "كأن الدولة معاها أموال بتنفقها من غير رؤية وتخطيط للعمل"، مؤكدًا: "إحنا بنحاول نجهز بلدنا لمستقبل أفضل".
وأوضح السيسي: "هتكلم عشان يوصل لينا كلنا، الطرق اللي بنفتتحها النهارده اللي بتربط بقنا سفاجا.. أنا عاوز أقولكم اللي بيتكلم إحنا بنعمل ده كله ليه، وبنصرف الفلوس دى ليه، وننفق الأموال في طرق تربط الميناء بالجنوب بالكامل ليه؟".
وتابع: "الأموال ليه بتنفق على طريق 300 كيلو يصل للحدود السودانية في أرقين، وذلك لتعزيز التجارة وتعزيز قدرة الميناء".
ورد الرئيس عبد الفتاح السيسى، على مطالبة محمد عرفان، رئيس هيئة الرقابة الإدارية، بضرورة توفير بعض أطقم التشغيل فى ميناء سفاجا، بأنه يختلف فى رؤيته معه، قائًلا: "إذا كان الموضوع موسمى، يبقى مش عاوزين عمالة زائدة بشكل مستمر لأطقم التشغيل، لأنها تكلفة كبيرة، ووقت الذروة سواء فى الصيف والأعياد، ويجب إرسال أطقم تشغيل لمدة أسبوع أو أسبوعين للانتهاء من هذه المهمة، بدلا من تشغيل عمالة زائدة".
وطالب "السيسي" رئيس هيئة الرقابة الإدارية بالتأكد من وصول كل التكاليف التى تتحملها الدولة إلى مكانها الصحيح ويتم إعلانها بوضوح أمام الجميع، قائلا: "عايزين كل جنيه يتحسب كويس أوي هيروح فين".
وأكد الرئيس أن هناك احتمالية لتنفيذ منفذ جديد في جغبوب، للربط والوصول للحدود الليبية، موجها وزير النقل والوزراء الحضور، بدراسة الأمر.
وقال: "عندنا طريقين: قنا سفاجا المنفذ البري، ومنفذ محتمل في جغبوب للوصول للحدود الليبية الأخرى.. محتاجين نعمل منفذ آخر وده أمر تدرسوه، لطريق السلوم مع ليبيا وجغبوب.. ادرسوه هنعمل منفذ كمان ولا لأ".
وأضاف الرئيس موجها حديثه لوزير النقل والحضور من الوزراء: "بعد ما توصلوا في كل الكلام اللي بـ28 مليار جنيه لشكل نهائي، من فضلكم قبل ما تتعاقدوا الموضوع يتعرض عليا كله مع أي حد سواء شركات منفذة أو مستثمرين".
