EN
أذاع التلفزيون المصري، لقطات للشاب الإيطالي جوليو ريجيني، قبل مقتله، لحوار دار بينه وبين ممثل الباعة الجائلين.
ودار لقاء الشاب الإيطالي مع ممثل الباعة الجائلين، عن حاجة الأخير للأموال لعلاج زوجته، وشرح ريجيني له عن عدم امكانية استخدام الأموال التي ترسلها له بريطانيا كونها اموال اكاديمية ترسل له بغرض الدراسة، ومن الممكن التفكير في حلول اخري او افكار لجلب الأموال من البريطانيين.
وبدأ ممثل الباعة الجائلين حديثه قائلا : " مراتي عندها عملية كانسر "سرطان"، بالنسبة لي اشبط في اي حاجة المهم تيجي فيها فلوس".
ورد الشاب جوليو ريجيني الإيطالي : "الفلوس مش فلوسي انا مش ممكن استخدم الفلوس بأي صورة عشان انا اكاديمي، ومش ممكن اكتب في الابلكشن يعني في معلومات للمؤسسة في بريطانيا عايز استخدم الفلوس بصورة شخصية مش ممكن، ولو حدث الحاجة دي فيها مشكلة كبيرة كبيرة اووي بالنسبة للبريطانيين".
وتابع ممثل الباعة الجائلين: " طيب مفيش سكة تانية، نستخدم فيها الفلوس استخدام شخصي".
ورد ريجيني قائلا: "مش عارف والله والفلوس من خلال جوليو، من خلال بريطانيا والمركز المصري ومن المركز المصري ليا".
فقال البائع: "انت حاول تظبطهالي عشان انا حاسس ان المركز المصري ممكن يضحك علينا وميدناش حاجة".
فتابع ريجيني : " مافيش امكانية شخصية بالنسبة لي انا مش عارف ازاي، معنديش سلطة في الموضوع".
فردد البائع : " الموضوع هيتأخر كتير، الوقت هيتأخر يعني".
فأكد له ريجيني: " يعني لو في فكرة، البريطانيين ياخدوا افكار مشاريع كبيرة من كل العالم للحصول علي فلوس، لازم نحاول، بس لو عندنا افكار انت مثلا او تانين لازم نحصل علي المعلومات".
فقال له ممثل الباعة: " معلومات زي ايه وانا اجهزها واشتغل عليها دلوقتي".
فأشار له ريجيني: " معلومات زي ايه المهم بالنسبة لك في النقابة، النقابة عايزة ايه، مثلا، تحتاج النقابة منا ايه مع الفلوس دي".
فيرد ممثل الباعة:" يعني الاستخدام هنستخدم الفلوس في ايه".
فيختم ريجيني كلامه : "بالظبط بالظبط".
ومن جانب أخر، سلم وفد النيابة العامة المصرى فى لقائه الاخير بروما نظيره الإيطالى صورا للمستندات المطلوبة وكذلك إسطوانة مدمجة لحوار دار بين جوليو ريجينى وممثل الباعة الجائلين سجله الأخير فى وقت سابق على إختفاء الطالب الإيطالى والذى بموجبه تخلت الجهات الامنية عن الإستمرار فى متابعة المجنى عليه لما تبين لها فى قصور نشاطه عن حد المساس بالامن القومى المصرى.
