مصطفى قمر يوجه رسائل لنجوم جيله: عمرو دياب" هتفضل شباب".. وحميد الشاعري "مش ناسي فضلك عليّ".. ياسمين عبدالعزيز "نفسي اشتغل معاكي تاني".. فيديو

لمحمد فؤاد: وحشتنا أوي ..
وعن عامر منيب.. كان إنسان عظيم قبل ما يكون فنان

انتهز النجم مصطفى قمر فرصة تواجده في موقع "صدى البلد" للاحتفال بنجاح فيلمه "فين قلبي" ليوجه رسائل لنجوم جيله واصدقائه من الوسط الفني.

عامر منيب: "الله يرحمه ويجعل مثواه الجنة.. عامر كان فنان قبل ان يكون انسان.. كان خيّر وطيب جدًا".

هشام عباس: "اخويا وحبيبي .. واعجبت بصوته منذ عمله كمهندس صوت.. كنا بنغني مع بعض دايمًا في بيت حميد الشاعري.. انا بحبك جدًا".

حميد الشاعري: "اخويا وصديق عمري وعمري ما انسى افضاله علي.. ومن اول الناس اللي قدموني.. وذكريات بينا كتير وهو فعلا جدع".

محمد فؤاد: "ابن بلد وجدع وفنان كبير.. وحشتنا أوي.. وعايزين كام غنوة حلوين".

عمرو دياب.. "رائد في المزيكا بتاعته وكل اغانيه حلوة.. وعايز اقول لعمرو هتفضل طول عمرك شباب.. وبنسمعلك وبنحضرلك حفلاتك وطول عمرنا متربين على اغانيك".

هاني شاكر: الاستاذ هاني شاكر من أعمدة الاغنية المصرية والعربية.. تاريخ واستاذ كبير.. صوت رائع ولما أحب اسمع اغنية رومانسية اسمع هاني شاكر.. وهو طيب وتجلت طيبته في موافقه كنقيب للموسيقيين".

مدحت صالح: "من اهم الاصوات المصرية وتاريخ كبير ولي الشرف انه شاركني في غناء احدى اغنيات فيلمي "فين قلبي" فهو من جيل العظماء على الحجار ومحمد الحلو".

ياسمين عبدالعزيز: "حبيبتي ونجمة كبيرة.. وانا وهي اشتغلنا مع بعض كتير وعلى طول بنتكلم واول ما هنلاقي ورق حلو هنشتغل مع بعض من جديد".