هشام النعال يكتب : يا سيدى الميدان

يا سيدى الميدان
جاى اتوب على بابك
وابايع جنابك وابوس ايديك
ريحة ترابك
شاممها قبل ما اهل عليك
وحياة اللى جابك
ما تزيد عذابك
واغسل قلوبنا بدموع عنيك
يا سيدى الميدان
جايلك ندمان
جايلك وناوى
ما افرقك ثوانى
الشوق كوانى
خلى قلبى بيك هيمان
يا سيدى الميدان
كرامة يا سيدنا
امانة تاخدنا
لبر الامان
ميلادك دة عيدنا
وعهدك واعدنا
ينفذ وعودنا
على مر الزمان
يا سيدى الميدان
حنانك حنانك
يا سيدى الميدان
شبابك شبابك
فى حالة جنان
حالفين لياخدوا حق الشهيد
حالفين من تانى يعيدوا اللى كان
ياريت تكون ليهم سنيد
يا طاهر
يا صابر
يا عنيد
كرامة يا سيدنا
يا ابو الشهيد