EN
شاهد..رامز جلال يسخر من نيللي كريم بطريقة كوميدية
دخل النجم رامز جلال في وصلة سخرية من ضحيته الليلة وهي الفنانة نيللي كريم، أثناء استضافتها في برنامج «رامز تحت الأرض» على قناة «إم بى سى مصر».
وقال «رامز»: «يا نيللي بلاش فينا تزلي، وانزلي وتعالى اقفي في ظلي، واوعدك معانا مش هتملي، وقربي كمان سنتي سنتي وميلي ميلي وايه البنطلون المقطوع ده يا نيللي،والجاكت الي انتي لابساه ده محتاج مسدسين وخنجر، انتي لابسة نظارة النحلة زينة، وانا لو أخذت منها ضربة من جزمة نيللي هيكون حالتي في خطر وهموت، وهي عاملة تسريحة صغيرة على الحب».
وتابع «رامز»: «أعزائي المشاهدين من داخل جحر السحلية ننقل لكم لحظة هبر نيللي كريم، ومعلش ملحقناش نسفلت الصحراء علشان انتي جاية، ونيللي عقبال ما توصل هتكون ساحت من الجو الحر ومش هتبقى إلا النظارة».
يذكر أن رامز جلال يقدم برنامج مقالب باسم «رامز تحت الأرض» على قناة «MBC مصر» يوهم فيه ضيفه بأنه حضر إلى الإمارات لعمل لقاء صحفي مع الإعلامي نيشان في إحدى الواحات الصحراوية، ثم يتعرض لمضايقات وسخافات طوال الرحلة داخل السيارة ثم يفاجئ بسقوطه في الرمال المتحركة و سحلية ضخمة «تنين الكومودو» تخرج عليه لتفترسه.
ويأتي برنامج «رامز تحت الأرض»، استكمالًا لسلسلة برامج المقالب التي أعدها رامز جلال خلال أشهر رمضان، خلال السنوات الماضية، وهي «رامز بيلعب بالنار»، «رامز توت عنخ آمون»، و«رامز قرش البحر».
