عمرو سعد للشباب: «مش مهم تبقى الأحسن بس المهم إنك تحاول».. فيديو

بدأت، منذ قليل الجلسة الثانية لمؤتمر الشباب بالإسكندرية، بعرض فيلم تسجيلى يشارك به عمرو سعد ويحكى فيه للشباب عن مسيرته وكيفية تحقيقه لهدفه.

وقال الفنان عمرو سعد: "وأنا فى الجامعة فكرت إنى أمثل وفكرت إزاى أحول حلمى لقرار ولحقيقة، وواجهت العديد من العقبات واشتغلت كل حاجة، وكنت بقعد على القهوة مش معايا غير حق كوباية الشاى، وانا مروح فى يوم بصيت على أفيش سينما ريفولى وقولت لأصحابى تانى يوم أنا قررت أبقى ممثل ومكنش معايا إلا 20 جنيه بس ومحدش صدقنى ساعتها واتريقوا عليا".

وأضاف: "مش مهم إنت تبقى الأحسن أو الأفضل بس المهم إنك تحاول، وأى حد كان بيقولى مش هتقدر كنت بقطع علاقتى بيه، وأول مرة صورتى اتحطت على أفيش السينما وقفت عيطت"، مؤكدًا: "لما تكون محدد هدفك ورؤيتك واضحة أكيد هتوصل ولازم توقن إن ربنا هيوقف جنبك، مفيش بلد فى العالم نجحت إلا وعندها رؤية".

وتابع: "رؤية 2030 هتتوقف علينا إحنا، ولازم كل واحد يحطها قدام عينيه وده قرارنا إن بلدنا تنجح وتحقق رؤيتها".

جاء ذلك خلال الجلسة الثانية بعنوان "رؤية مصر 2030" بحضور الدكتورة هالة السعيد، وزيرة التخطيط، والمهندس طارق قابيل، وزير التجارة والصناعة، والمهندس هشام عرفات، وزير النقل، والمهندس مصطفى مدبولي، وزير الإسكان، والدكتور طارق شوقي، وزير التربية والتعليم، والدكتور أحمد عماد الدين راضي، وزير الصحة، والدكتور عبد المنعم البنّا، وزير الزراعة.