هشام النعال يكتب : بلدنا حلمنا

بلدنا ...همنا

بلدنا ...حلمنا

بلدنا .., امنا

ومش ممكن تضيع مننا

مهما سال دمنا

يا امنا ....

ولادك تاهو فى ضلمتك

وضلتك نامت فى صحرتك

وزرعتك جفت على العيدان

وزهورك ماتت فى الميدان

وانا الداين والمدان

وانا الجانى وانا السجان

انا اللى هنشر قضيتك

ما تقولى اية قصتك

ما هى قصتك فى روعتك

والعالم كله مستنى طلعتك

يا سمرا بموت فى سمرتك

وخفت دمك

اللى زينة طلتك

بحبك بجنون

بحبك من يوم ما لمست تربتك

يا صبرا وانا ايوب

يا صبرا على المكتوب

اذاى اتوب

وانت ذنبى

لو كان الامر بيدى

كنت اعيش طول عمرى على الذنوب

اللى هى فى الاصل انتى

ما هو انتى بنتى

ام الضفاير

ام الحراير

ست البنات

واللى جاى

احلى من اللى فات