هنا الزاهد تروي قصة كلب «جرها» إلى البيت.. فيديو

كشفت الفنانة هنا الزاهد عن عشقها هي وأسرتها لتربية الحيوانات، قائلة "إحنا عيله بنحب الحيوانات أوي، احنا ربينا كمية حيوانات في البيت مش طبيعية، بس إحنا للأسف بنربي غلط".

وأضافت هنا في حوارها ببرنامج «معكم» على قناة «سي بي سي»: "ربينا عصافير وكنا على طول بنطلعهم من القفص ونطيرهم في البيت، وبعدين نجري نمسكهم وندخلهم تاني القفص، وربينا كمان سلاحف بس كنت بربيهم غلط فواحدة ماتت عشان كنت بأكلهم خيار".

وتابعت هنا: "ومره جبنا كرتونه فيها كتاكيت، وكانت اختي كلبوظه شويه زمان فلما كانت بتجري معاهم داست على واحد فمات، وربينا كلاب كتير، وكان منهم كلب كبير، وكنت مرة ماشيه بيه لقيت كلاب ضاله طلعت علينا (سته كلاب)، وانا كنت رابطه الجنزير بتاعه على إيدي، فلما شاف الكلاب طلع يجري خاف منهم وجرني وراه لحد البيت، روحت متعورة وقعدت أعيط وقلتلهم مش عاوزه الكلب ده".