سعره 600 جنيه ولو مجاش خطيبتي هتزعل.. بوكس الخروف آخر تقاليع هدايا العيد

يعلن مصممو "البوكس" أنه "هدية لحبيبتك أو خطيبتك وزوجتك، أو أي حد عزيز على قلبك.. وشاملة كل حاجة، بوكس خشب كبير وخروف العيد الحجم الكبير بيغنى وينور، وزجاجة رسائل فيها 30 رسالة تكتبها بمناسبات وذكريات جمعت ما بينكوا، وحرف صاحب الهدية ومعاه الخروف الصغير خشب طبعا، بالاضافة لشكولاتات متنوعة عددها حوالي عشرة، وزينة البوكس طبعا" .

أحمد فوكس، مصمم البوكس، شاب لم يتعدى عمره الـ23 عاما، يقول لـ"صدي البلد" إنه بدأ في عمل تلك الفكرة وتوزيعها علي محال الهدايا، وكانت البداية ببوكس أعياد الميلاد، ثم بوكس شهر رمضان "وطبعا لما قرب العيد الكبير فكرت في عمل بوكس الخروف، وسألت كثير من صحابي وعرفت أن الموضوع مبهج ومفرح، والبنات بتفرح بالهدايا في المناسبات، وسعره لا يتعدى 400 جنيه، وفي مكان مخصص بيتحط فيه العيدية".