خليكي جامدة يا ماما مصر.. سعودي يتغزل في حب أم الدنيا

تترابط الدول العربية رغم المسافات، والأزمات، ولطالما كانت قلوب الشعوب متعانقة وقريبة لا تفصلها حدود ولا تشوبها خلافات، وهذا ما حدث مع السعودي وسام عيد، فتملكه منذ صغره عشق أم الدنيا مصر، حيث ترك فيه حب عدد من المطاعم والأماكن الشهيرة في مصر أثر لا ينسى، وبعد أن اعتاد في طفولته القدوم مع والده كل ٣ أشهر لقضاء العطلة في مصر، أصبح الآن يطير إليها كل شهر بمفرده اشتياقا لها.

ابن مكة «وسام عيد» الدكتور في جامعة أم القرى والرئيس التنفيذي السابق للنادي الأهلي السعودي (أهلي جدة)، والذي تغزل في حب مصر من خلال قصيدة قدم فيها تذكيرا للشعب المصري بتراثه وأمجاده وضرورة الحفاظ عليهم.

ومن خلال صدى البلد، قرر وسام عيد إرسال حنينه إلى مصر التي لم يزرها منذ 5 سنوات بسبب انتقاله إلى أمريكا، فيقول في قصيدته:

أحب أتكلم أقول .. أوصف حضارة تاريخ عصور .. منبع أصالة رمز الفنون.. مش لاقي غيرك ياشعب مصر

شعب أنجز وبالتاريخ .. قول وفعل مش بس صريخ .. شعب صخرة شعب سيف.. عظيمة طول عمرك يا مصر

رجع سنينك زمان ورا .. يجي ستة سبع الاف سنة .. فرعون حكم فرعون طغى .. شعبك صبر زمان يا مصر

موسى كليم الله صبر .. شعبك وقف جنبه ونصر .. فرعون كفر ربك أمر .. حماكي ربك زمان يا مصر

شعبك بنا الأهرامات .. شعبك خلق ليه زكريات .. شعبك فنى عمره وبات .. عشان تدومي انتي يا مصر

ولو هنحكي عالفنون .. شعبك نجح من غير ظنون .. شعب اكتسح شعبك ده غول .. منبع أصالة انتي يا مصر

أسامي مغنى لوحدها .. الست مين جاه زيها؟ .. ولا حليم ! وغيرهم كتير .. ولاده طول عمرك يا مصر

مش مهم إن السادات .. اتقتل أو حتى مات .. ولا مهم إن مبارك .. اتنحى ولا فضل في دارك

بس المهم دول رموزك .. حكموا البلد وعلوا سورك.. خلي التاريخ يوصف أصولك.. ويقول كريم كان شعب مصر

مش مهم كانت الطريقة.. صح كانت ولا زيطة.. بس العظيم شفت الخريطة .. اتهزت لصوت شعبك يا مصر

ثورة غضب لمة جموع .. جمعة تسامح جمعة جحود .. وجمعة تراضي جمعه برود .. كترت جُمعاتك يا مصر

شعوب العرب شعوب الصداق.. مجلس تعاون مجلس وفاق.. كله بينده بأعلى صوت.. خليكي جامده يا ماما مصر

وإلي زاد شرفك شرف.. ذكرك في القرآن سلف.. إن جنودك أعظم خلف.. عظيمه بولادك يا مصر

مش مهم كملة حكاية.. مش مهم حلوة الرواية.. بس التاريخ أثبت نهاية.. عظيمة طول عمرك يا مصر

هكذا اختتم الدكتور وسام عيد قصيدته التي تعتبر رسالة للشعب المصري بالحفاظ على ترابطه وتراثه، ويضيف إلى حديثه "أنا أعرف مصر أكتر من المصريين نفسهم" فقد طاف ربوع مصر خلال زياراته، من بينها (القاهرة، الإسكندرية، الفيوم، شرم الشيخ، الغردقة، السويس، العين السخنة، الإسماعيلية والإبراهيمية).