EN 
"ابنى محمود قاعد فى البيت من سنين خلاص مبقاش هيقدر يعيش زى الناس ..ابني تعبان الالام مش بتنتهى منه بدل ما كان هيشلينى وانا كبير انا اللى بشيله".
بهذه الكلمات تحدث والد محمود السعيد ٧٠ عاما المقيم بقرية النزل التابعة لمركز منية النصر والدموع تنهمر من عينيه قائلا" محمود حاصل على دبلوم وانهى خدمته فى الجيش وكان بصحة جيدة بس فجأة تعب وروحنا للدكتور وعمل عمليه بس كان فيها إهمال طبي وتم قطع الضفيرة العصبية و مبقاش نافع له علاج ولا جراحه وشكونا الدكتور وللأسف حقه راح مع اني معايا ما يثبت من اشعات وتقارير ان اللى حصل إهمال طبي".
واضاف الاب كل اللي بطلبه جواب من المجالس الطبية بتاع المعاقين عشان اجيبله عربيه يعيش منها ويصرف على نفسه لانه خلاص هيعيش كده وملوش مصدر رزق يعيش منه وانا كبرت خلاص ارجوكم اقفوا جنب ابنى وبناشد الرئيس السيسى يساعدنا احنا عارفين انه بيحب الشباب وببساعدهم وابنى من ولاده".
