محمد حمدي يكتب : عمنا حمزة

عمنا حمزة ده سره باتع
يشفي العليل ويداوي المواجع
يقرا الكف و يشوف الطالع
و يعرف اللي محناش عارفينو
نبوغه ده مش من فراغ
تعليم بره عامله دماغ
هانبيع الهدمه ويا المصاغ
و برضه محناش عاجبينو
مالي الجرايد و التلفزيونات
حافظ شعارات ييجي بالميات
نستنى ساعات و ساعات و ساعات
و لو ملينا نبقى كارهينو
عمنا حمزه ده بغبغان
بيقولوا عليه مقطف بودان
رئيس عزبه كلها خرفان
و اخونا البُعدا قال حاسدينو
كلام كتير مالهوش لازمه
عن قلة قال عاملين ازمة
و كُترة واخدين بــ الجزمة
عمنا حمزة ينصر دينو
عمنا حمزة ده كان هتاف
راجل جدع و عمره ما خاف
اتاري عمنا كان لفاف
لف الخابور و احنا لابسينو
حزر فزر منك ليه
عمنا حمزة ده يطلع ايه
مشخصاتي ... مغنواتي
يكونش يا ابني مردداتي
مغصوب عليه
حزر فزر منك ليه
عمنا حمزة شغلته ايه ؟؟؟؟