البنات لازم تكون جسمها مغري .. متهم في قضية حنين حسام: اتشهرت بفيديوهات رقص وباخد على الفيديو 10 دولارات

كشفت تحقيقات النيابة العامة في قضية حنين حسام اشتراك المتهم  أحمد صلاح محمد دسوقي، 25 سنة، فنى برمجة مواقع اليكترونية،  باستغلال الفتيات في أعمال الدعارة  نظرا لحاجتهن للمال والاتجار بالبشر بالاشتراك مع اليوتيوبر حنين حسام  لدعوة الفتاتين ندى خالد وهبة خالد أحمد، مستغل حاجتهن للمال بقصد استغلالهم في أعمال الدعارة.

اقرا ايضاً|قعدتنا في البيت جت بالخراب.. اعترافات حنين حسام: باخد 400 دولار في الشهر وكنت عايزة أساعد البنات

انكر المتهم الاتهامات المنسوبة اليه من قبل رجال التحقيق، وكذلك انكاره اتهامه بطريق الاتفاق والتحريض مع المتهمة اليوتيوبر حنين حسام عن طريق حسابات شبكة المعلومات دعوة تتضمن لفت الانظار الى الدعارة، وإنكاره تهمة الاشتراك بطريقتي الاتفاق والتحريض على انشاء حساب باسم حنين حسام على شبكة المعلومات الإنترنت تتضمن دعوة بعقد لقاءات مخلة بالآداب بين مشتركى تلك التطبيقات ويعد اعتداء على المبادىء والقيم الأسرية فى المجتمع المصري.

اقرا ايضاً|حنين حسام فى التحقيقات: 400 دولار شهريا اجرى على فيديوهات لايكي .. وعملت اعلان لضم بنات علشان يطلعوا لايف على النت

كما أنكر المتهم  تهمة الاشتراك بطريقتي الاتفاق والتحريض على إنشاء وإدارة واستخدام حساب على شبكة المعلومات بهدف الى ارتكاب الجرائم موضوع الاتهامات السابقة.

وقال المتهم:  بشتغل فنى برمجة مواقع اليكترونية وكنت فاتح تطبيق البلاى استور عشان بدور على برنامج لتعديل الفيديو فظهر ليا برنامج اسموا hikee فدخلت عليه ولقيتوا عبارة عن برنامج بيتم فيه تصوير الفيديوهات على اغاني ورقص زى برنامج tik tok فعجبني عشان جديد ونزلتوا على الهاتف وعملت حساب ليا عليه وابتديت انزل فيديوهات ليا عبارة عن اما برقص على اغنية مشهورة او بحرك شفايفي على اى افيه شهير من مسلسل او مسرحية".

وأضاف المتهم: بعد كده لاقيت likee عامل مسابقة عن اكتر ناس اللى هتعمل فيديوهات وارباح الفيديوهات دى كانت راحة لصالح مرضي مستشفى 57357 وفى المسابقة دى ربني كرمني وطلعت التالت وادارة البرنامج خدونى فى زيارة ميدانية لمستشفى 57357 وهناك تعرفت على واحده اسمها ندى على معرفش باقي اسمها وتعمل مع ادارة برنامج likee بشكل مباشر ومع واحدة صينية اسمها مارجن من ادارة likee وساعتها طلبت من ندى انى ابقى من العاملين الموثقين لدى البرنامج وفعلا هى توسطت لى وبقيت بشتغل لصالح شركة likee  وبعمل فيديوهات وبنزلها على التطبيق وكنت ساعتها كنت فى درجة k3 فى الشغل فى البرنامج وبعد ذلك وعشان كنت بعمل فيديوهات كتير وكويسة ارتقيت للدرجة k2 ومن اول الدرجة دى الواحد بدا يحصل على مبلغ مالي بالدولار مقابل الفيديوهات اللى كنت بنزلها على التطبيق واشتغلت على الدرجة دى فترة حوالى شهر ساعتها مكانش فى تواصل من خلال اللى اسمها ندى لكن ندى سابت التطبيق وسافرت برة مصر وساعتها انا قررت اتعامل مباشرة معاها وعرضت عليها مساعدتها عشان كان فى مصريين كتيير بكونوا عايزين يتكلموا ويعرضوا مشاكل بس مش بيعرفوا يتواصلوا معاهم بسبب عدم أجادتهم اللغة الاجنبية وساعتها بدأت اتواصل مع رجالتها فى مصر وبساعدها فى التواصل مع وحل وعرض المشاكل وفى الوقت ده ظهرت خاصية جديدة غير تنزيل الفيديو وهى خاصية live video وابتديت اعمل live وانزل فيديوهات كتير فراحت مارجن رقتني لدرجة k1   وفى الدرجة دى المقابل بيكون اعلى وده اعلى درجة فى الترقيات وبقيت وكيل فى خاصية live video وده معناه انى بدخل ناس على البرنامج وبكون انا اللى جايبهم وباخد نسبة 20 % من العائد المادي اللى بيتحصلوا عليه نتيجة فيديوهات المباشر وفى شهر ديسمبر 2019 حصل خلاف بيني وبين الادارة الصينية بسبب الفلوس والفلوس الخاصة بالمذعين اللى شغالين تحت وكالتى وبسبب المشكلة دى سبت قصة live video خالص وبدات انزل الفيديوهات بس وانا مش من ضمن اعضاء ادارة تطبيق likee  لكن محمد علاء كان من اعضاء إدارة تطبيق likee  فى مصر وانا مليش دعوة بمشكلة حنين خالص".

وكشف المتهم:" فى بداية العمل على تطبيق likee  بيتم على قسمين الاول يتم فيه تشر فيديوهات قصيرة اقصى مدتها دقيقة والقسم الثاني يتم فيه بث فيديوهات وبتكون مدتها مفتوحة مقابل الحصول بالدولار يتم التحصل عليه اخر كل شهر، والشركة المالكة لتطبيق likee  هى شركة صينية اسمها bigo وتمتلك ثلاث تطبيقات هم " bigo - likee - imo" ولها مقر للادارة فى القاهرة الجديدة فى شارع التسعين".

وقال المتهم:" التطبيق bigo  هو عبارة تطبيق للبث المباشر للفيديوهات يقوم فيه الشخص ببث فيديو مباشر على الصفحة ويقوم مستخدمى التطبيق بالتواصل مع ذلك الشخص وارسال هدايا له تتحول قيمتها لمبالغ مالية ويمكن بمستخدمى التطبيق الدخول فى غرفة شات مغلقة بينه وبين من يقوم ببث الفيديو وفها يمكن ان يتحدثوا سواء صوت او صورة فى اى شيء او اى موضوع ولكن اغلب الاشخاص يستخدم الناس غرف الشات المغلقة وبيكون بسبب رغبتهم فى التحدث فى الامور الجنسية وممارسة الدعارة وانتجت شركة bigo تطبيق جديد اللى هو likee ودا زى ما انا قولت قبل كدا هو بيتم فيه نشر فيديوهات قصيرة اقصى مدتها دقيقة ووبث فيديوهات مباشرة وتكون مفتوحة مقابل عائد مادي بالدولار ويتم التحصل عليه اخر كل شهر ولكن تطبيق لايكي بع غرف شات مغلقة اما برنامج  ايمو انا معرفش عنه غير انه برنامج اتصال لكن تفاصيلوا معرفهاش".

وأضاف المتهم:" اشتركت فى تطبيق لايك منذ اكثر من سنة مع بداية ظهوره فى مصر، وهو برنامج جديد وانه لو بدأت استخدمه من الاول هتشهر عليه اكثر واسرع وهستفيد منه ماديا اكتر وعشان انا اختارته ونزلته، ولا يوجد عقود بينى وبين الشركة الصينية المسئولة عن تطبيق لايكي، ووعندما كنت فى الدرجة k2 كنت اتقاضي مبلغ 5 دولار على كل فيديو وعلى كل عشرين فيديو باخد عليهم بونص 25 دولار، وفى الدرجة k1  كنت اتحصل على 10 دولار على كل فيديو وعلى عشرين فيديو باخد بونص 100 دولار".

واكد المتهم: بعد ما ندى سابت التطبيق وسافرت برة مصر انا اتكلمت مع مارجن وعرضت عليها ان اكون من رجالتها واساعدها، وهى من المدرين المسئولين عن ادارة شركة بيجو وتطبيق لايكي، وانه كنت اتقاضي عائد مالى نظير البث المباشر والفيديوهات عبارة عن مائة دولار فى الشهر لو قدرت احقق شرط هما حطينه عبارة عن ان المتابعين يدون هدايا عبارة عن رسمة زى الجوهرة بيتم شراء من خلال التطبيق بمقابل مادي ويشترط ان تتجاوز 5 الاف جوهرة، وبيتم تحويل تلك الجواهر لمبالغ مالية تحول لرصيد حسابي عن طريق تطبيق بايونير وهو عبارة عن بنك اليكترونى بيقوم بتحويل المبالغ المالية من على شبكة المعلومات الانترنت الى الحساب، ولدى حساب فى البنك الأهلي المصري".

واكد المتهم:" ان الضوابط اللى طلبته الشركة انهم قالولنا متتكلموش فى السياسة او الدين غير كدا ممكن تتكلموا فى اى حاجة عبر الفيديو، والذين يعملون كمذيعين عمرهم اكثر من 18 سنة ويكونوا حسنين المظهر وبالنسبة للبنات تكون اجسامهم مغرية وبيعرفوا يتكلموا ويجذبوا المشاهدين فى الفرجة على اللايف فيديو وبالنسبة للمذعين الولاد بيكون مطلوب انوا يعرفوا يهزروا ويتكلم ويكون عنده اضاءة كويسة والكاميرا اللى بيتم التصوير بيها تكون جودتها عالية، ومفيش فيديوهات جنسية او اباحية صريحة عشان التطبيق مفهوش غرف شات مغلقة ولكن معظم البنات اللى بتتعمد تلبس لبس مغري يثير الرجال وتتحدث بطريقة ناعمة ودلوعة وتضحك ضحكات مثيرة وتزود بده عدد اللى بيتفرجوا  عليها ويدوها الجواهر والهدايا عشان تحقق التارجت بتاعها وتكسب فلوس، وتطبيق لايكى مش بيطلب ده بشكل صريح بس بيكونوا عارفين وسايبنهم عشان يحققوا ربح لكن ساعات لما بتكون فى حاجات صريحة بيتم غلق الفيديو مباشرة".

وأضاف المتهم:" انه فيه مذعين يستخدموا لا يكي فى اعمال دعارة او مخلة بالآداب العامة ولكن بطريقة غير مباشرة، عن طريق ان المذيعات اما تلاقى شخص بيديها هدايا تتكلم معاه من خلال الشات العادي بتاع حسابها او من خلال تطبيق الواتس اب ويتم الاتفاق فيما بينهم وساعات رجالة تدخل تتفرج على اللايف فيديو وبيدوا هدايا ومجوهرات وبيدخل   للمذيعة على الشات العادى بتعاها او الواتس اب وهى لما تلاقيه من الرجالة اللى ليها رغبة لممارسة الدعارة بتتفق معاه ولكن ذلك بيكون بعيد عن التطبيق، ويستخدموا اسماء وهمية وبتكون سرية وان مسئولين لايكي بنسبة كبيرة لا يعلمون ذلك وعند حدوث شىء فبيتم حذف البنت او الولد اللى بيعمل كده".

وأكد المتهم: مليش علاقة مع المتهمة حنين حسام ومتكلمناش خالص وانا بعتلها مرة واحدة رسالة ومردتش عليا، وقولتلها فيها انك فى مشكلة كبيرة واسالى محامي وفى برنامج ذاع الفيديو بتاعك شوفى او ممكن ترفعي قضية  عليه، وهى ممكن تكون قالت بالغلط انى مديرها فى لايكي ولكن انا من المشهورين فى قسم الفيديوهات القصيرة وادمن بس".

وأضاف المتهم: " فيه جروب على الواتس اب اسموا likee rules &news، والجروب ده عليه 152 مشترك فيه اشخاص وانا منهم ومنشئة الجروب مارجن، ولم اقم بالدعوة للاتجار فى البشر وكذلك التهم الاخرى الموجه لى".