جمال يوسف يبكي على الهواء: خايف أقابل ربنا نفسي فى شوية وقت استغفر.. فيديو

كشف الفنان جمال يوسف، فى أول ظهور إعلامى له، تفاصيل مرضه إصابته بسرطان البلعوم، قائلًا " مش خايف من الموت، ونفسي فى شوية وقت بس عشان استغفر ربنا".

وأضاف جمال يوسف خلال حديثه ببرنامج " صباح البلد" المذاع على فضائية " صدى البلد"،  والذى يرأس تحريره الكاتب الصحفى " احمد حمدى"، كنت خايف من الأول عشان أنا بنى آدم بس أما قربت من ربنا مش خايف، أنا خايف بس من مقابلة ربنا نفسي أقعد شوية عشان استغفر الله".

وتابع باكيًا: " أنا عندى أخطاء كثيرة لأنى بنى آدم، مش عايز أقابل ربنا وأنا عليا ذنوب"، مشيرًا إلى أنه يعيش على المحاليل الطبية ولم يتناول الطعام منذ شهر رمضان".

وأكمل حديثه: "أنا عايز اشكر زوجتى جدًا لأنها تحملت الكثير منذ اصابتى بالمرض، وأشكر جمهورى على السوشيال ميديا لأنهم أعطونى الأمل وحسسونى أنى لازم أعيش".