EN 
قال سائق التوكتوك، عم محمد، غنه عثر على 140 ألف جنيه داخل التوكتوك الخاص به بعدما تم توصيل أحد الاشخاص ولكنه قرر أن يعيدها لصاحبها مرة أخرى بالرغم من الديون المكبل بها، لافتًا إلى أنه فوجئ بوجود المبلغ فى أرضية التوك توك وقعت من صاحبها.
وأضاف سائق التوك توك فى مداخلة هاتفية ببرنامج " 8 الصبح" المذاع على فضائية " dmc"، أنه توجه للمنزل بعدها وترك المبلغ لدى زوجته كأمانة لحين البحث عن صاحب المبلغ، منوهًا أنه لايعرف من صاحب المبلغ شخصيًا وظل يبحث عنه لحين الوصول اليه.
وتابع "أنا مش معايا موبايل، وخدت تليفون أخويا واتكلمنا مع ناس كتير إن اللي يلاقي صاحبها يقول لي، كنت بجري وكأنها فلوسي، خايف صاحبها يجراله حاجة أو يجيله جلطة ولا يموت عشان ضاعت منه، داكان أهم حاجة عندي ومفكرتش غير في كده، ومبصتش لجنيه منها، الغنى غنى النفس، والحمدلله لقيناه في بلد تانية وروحتله لحد عنده واديته الشنطة وفلوسه مش ناقصة جنيه".
وأردف "كنت شغال شيال، وبعد فترة كبيرة تعبت وعملت عملية في ضهري ومبقتش قادر اشتغل، والديون اتكومت عليا، فنزلت على توكتوك آكل منه عيش، بس عمري ما أأكل ولادي حرام".
