EN 
قالت الاعلامية لميس الحديدى "احنا عايشين أكبر نقلة نوعية في تاريخ السكك الحديد الصراحة التشكيك في أي حاجة ده ازعاج على الفاضي".
وأضافت لميس الحديدي خلال برنامجها كلمة اخيرة ، أن الجدل المثار على منصات التواصل الاجتماعي حول عدم مطابقة الجرارات الأمريكية للمواصفات الفنية وبيان وزارة النقل الصادر اليوم للرد عليه قائلة "مش فاهمة فين المشكلة جرارات اشتريناها وجرار حصل فيه عطل وصلحناه فين المشكلة بقى".
وأوضحت الحديدى ، إن هذه أكبر صفقة في تاريخ السكك الحديدية في مصر وأكبر تطوير ونقلة نوعية في السكك الحديدية كنا في مكان وبقينا في نقلة نوعية تانية "جرار باظ والوزير قعد مع الشركة وبحثوا إمكانية الاستبدال والإصلاح وفقًا للضمان".
وتابعت: "عادي زي العربية أنت كمواطن اشتريتها وكان فيها خلل وتبدلها وفقًا لمعايير الضمان أو بتصلحها فين بقى المشكلة أكيد يعني مش هنعد في كل حاجة نقول اوبا صفقة الجرارات الفاسدة ونعد بقى نقول صفقة أسلحة فاسدة وصفقة أغذية فاسدة".
